Mizo zinga Mathematics subject-a Ph.D nei hmasaber - sorkar hna bansana rawngbawltu Upa Dr. LN Tluanga a chawl ta

#ZabilianZ May 31, 2026: Mizo zinga Mathematics subject-a Ph.D nei hmasaber Dr. LN Tluanga, Mmission veng, Aizawl chu vawiin chawhnu dar 3 khan Aizawl Hospital & Research Centre-ah a thi a. Naktuk May ni 1, 2026-ah Mission veng Biak Inpui-ah vui a ni ang.

Kum 1933-a Bukpui khuaa piang Dr. LN. Tluanga hian Sialsuk leh Aizawl-ah te lehkha zir hnuah Scottish Church College aṭangin 1955-ah B.Sc zovin, Mathematics subject-ah distiction-ah a pass a. Kum khat chhung sikul-a a thawh zui hnuah  M.Sc zir chhunzawmin, kum 1974-ah Gauhati University hnuaiah Ph.D a zova, Mizo zinga Mathematics subject-a Ph.D nei hmasaber a ni.

Mizoram sorkar-a Education Director hmasaber niin, Science lama Mizo te hmasawnna tura nasa taka thawktu a ni a. Mizoram Science Society-in May ni 13, 2026 khan a awmna damdawi in-ah kalin ‘Science Award’ an hlan a, he chawimawina an hlan hmasakber a ni.

Kum 93 mi Dr. LN Tluanga hi Mission Veng Presbyterian Kohhran Upa niin, Education Director a nih lai kum 1982-ah Pathian kohna chhangin, sorkar hna kalsanin hum puma Pathian rawngbawl turin a inpe a. Karibati, Delhi (interserve), Synod Hospital Director, Durtlang, English Congregation Principal hna te pawh chelh tawh a ni. ni tawh a ni.#zabilianz #zabilianznews #zofatehuapzo