Zebra Crossing ngaipawimawhlo te lakah khauh zual dawn

#ZabilianZ May 30, 2026: June ni 1, 2026 atangin ke-a kal ten kawngpui an kanna tur Zebra Crossing kaihhnawih dan bawhchhiate lakah na zawka hmalak a ni dawn tih Aizawl Traffic SP-in thuchhuah siamin a tarlang a. Lirthei khalhtute chu zebra crossing ngaipawimawh tur leh ke-a kal te pawh kawng kan dawna fimkhur turin an chah.

He dan bawhchhiate chu 'The Motor Vehicles (Amendment) Act, 2019 Section 177 & 184' tlawhchhana hrem theih an nih thu Aizawl Traffic SP thuchhuah chuan tarlangin, Aizawl khawpui hmun hrang hrangah mipui ke-a kal te him nan leh traffic a felfai theihna tura zebra crossing chu siam a nih thu tarlan a ni.

Aizawl Traffic SP thuchhuah chuan 'The Motor Vehicles (Driving) Regulations, 2017 Rule No. 9 leh 22 (iv)'-in a sawi angin lirthei khalhtu ten 'zebra crossing' an thlen dawnin fimkhur taka tlan muangin, kawng kan tur te tan a hlauhawm em tih an enlawk thin tur a ni, a ti a. "Zebra crossing-ah lirthei din phal a ni lova, hei hian traffic jam laia din pawh huam vekin pick and drop, bungraw load leh unload chhung te pawh a huam vek a ni" a ti bawk.#zabilianz #zabilianznews #zofatehuapzo