Mizoram, tlangram angah chuan a fur a thala zawh tlak feh kawng neih a pawimawh :Agriculture Minister

#ZabilianZ May 30, 2026: Agriculture lam hawi National Conference-ah Agriculture Minister PC Vanlalruata'n Mizoram, tlangram angah chuan a fur a thala zawh tlak feh kawng neih a pawimawh thu a sawi.

National Conference on Agriculture for Kharif Campaign, New Delhi-a neihah he thu hi Agriculture Minister PC Vanlalruata chuan a sawi a. India hmarchhakah ruahtui a tam avangin, kuthnathawktu ten an huan ram panna tur kawng tha an mamawh thu sawiin, kawng tha zawk nei tura thawhpui-ah sorkar laipui a sawm a ni.#zabilianznews

Agriculture Minister chuan ruahtui khawlna tur tuizem lian zawk leh tha zawk pawh Mizoramin a mamawh thu pawh sawiin, price support scheme hnuaia behliang, chhawhchhi leh nihawi te lei tan a nih tur thu pawh a sawi a. Mizoram-ah district thar 3 a awm tak avangin KVK thar 3 mamawh belh a nih thu leh proposal pawh thehluh a nih tawh thu sawiin, pawm a nih theihna turin central sorkar tanpuina a ngen nghal bawk.

Conference-ah hian fur thlai chin dan tur leh a kaihhnawih hrang hrang te sawiho a ni a. Fertilizer hman fimkhur a tul zia te, natural farming ngaihpawimawh a tul zia te leh India ramin ram dang atanga edible oil a lak luh titlem tura oil seed lama tanlak a tul thu te an sawiho a ni.#zabilianz #zabilianznews #zofatehuapzo