Pitar buma pawisa laksaktu Police-in an man

#ZabilianZ May 27, 2026: Tukin khan pitar kum 89 mi chu mipa pakhatin bumin Rs. sang 3 a laksak a. Inbumna a thleng tih hriat a nih hnuah Police hriattir niin, vawiin la la khan mi bumtu ni ngeia hriat Zothansanga chu man a ni.

Kum 46 mi, Chanmari West-a cheng nia insawi Zothansanga hian tukin dar 8:45 vel khan Chanmari West, Vaivakawn road-ah pitar kum 89 mi chu - Pu Vanneihthanga (Special Report) te nen Samari Mitha buaipui nia insawiin, miharsa tanpuina tur cheng sangthum a dil a, cheng sangriata an rulh leh thuai tur thu a hrilh bawk a. Pitar hian 'mi mangang tanpui nan chuan' tiin, Pu Vana nen buaipui anga a insawi bawk avangin bazar-na tura a tih cheng sangthum chu ring tawk takin a pe ta mai niin thudawnna chuan a sawi.

He thil thlen laia an bulhnaia lo awm, tawngtheilo Jerry-a an tih chuan mi bumtu chu a hriat mi a nih avanga lo ringhlelin, Aizawl Police Station-ah thil awmzia a thlen ta a. Police ten hma la zui nghalin, darkar khat pawh tling lovah mi bumtu nia hriat chu an man zui nghal a ni.#zabilianz #zabilianznews #zofatehuapzo