MPCC-in an Treasurer an lawmpui

#ZabilianZ May 08, 2026: Mizoram Pradesh Congress Committee-in AMC inthlan zawh taka Congress party atanga thlan tlin awmchhun MPCC Treasurer Dr Lalmalsawma Nghaka lawmpuina hun an hmang a. MPCC President Lal Thanzara'n lawmpuina hlanin, Congress thalai leh Mahila-in lawmpuina an hlan bawk.

AMC Corporator thar Dr Lalmalsawma Nghaka chuan AMC inthlanah an party an che tha tawk lo tih sawiin, "sang tak thlen tum mah ila, Pathianin hun a la ti lo a ni ang" a ti a. A dinna ward lamah minister rualin theihtawp an chhuah chunga hnehna changtu an ni chu lawmawm a tih thu a sawi.

Congress party chu mahni party flagship programe tihlawhtling thin party an nih thu Dr Lalmalsawma Nghaka chuan sawiin, "NLUP-ah khan kan hria a ni" a ti a. Mipui ten Congress party-ah beiseina an nei chho mek nia sawiin, "hemi tihlawhtling tur hian tan i la zel ang u" tiin an party mi te a sawm a ni.#zabilianz #zabilianznews #zofatehuapzo