OSD to Chief Minister-in Tourism Director mawhphurhna laksak leh turin CM a ngen - CM-in a pawm

#ZabilianZ May 28, 2026: OSD to Chief Minister R. Lalrodingi'n Tourism Director mawhphurhna la tel tura tihna chu sut turin vawiin khan Chief Minister hnenah a ngen a. A ngenna hi pawmsak a nih avangin MZP-in an hmalak zui dan tur ngaihtuah tura vawiina thutkhawm an koh chu an thulh ve nghal.

OSD to Chief Minister R. Lalrodingi'n Chief Minister hnena lehkha a thawnah chuan Tourism Department Director post chelhtir a nih chungchangah MZP-in nasa taka an dodal avangin ni thum lai office kal thei lovin an awm tawh tih sawiin, Tourism hmasawnna kal mek a thuanawplohna turin Tourism Department Director mawhphurhna laksawn sak leh mai turin Chief MInister chu a ngen a. "Hna tithuanawptu leh i sorkar pawhin duhsak uchuak nei anga lang thei tura keimah ka lo awm reng hi a dik theiin ka hre lova. Departmental officer post a nihna erawh chu humhim theih hram dan awm sela tih erawh chu ka ngen tel bawk a ni" tiin a tarlang bawk.#zabilianznews

R. Lalrodingi'n banna a thehluh tak avang leh sorkarin a pawm tak avang hian MZP-in hmalak zel dan tur ngaituah tura vawiina thutkhawm an koh pawh an thulh thu an puang ve nghal a. An hmalaknaa thlawptu mipui leh hnam pual hruaitu, MZP chhungkua leh College SU hruaitute, Joint Hnampual Students’ Organisation leh Mizo Hindi Zirlai Pawl te chungah lawmthu an sawi.

Hun lo la kal zel turah hetiang thil hi thleng nawn tawh lo se an duh thu MZP chuan sawiin, "pensioner rawih nawn (re- employment) emaw service extension hian thalai tam tak hna zawng mek te a dal thin avangin hetiang system hi tha a ti ngai dawn lova, a dodal zel dawn" an ti a. "Zirlai hna zawng mek te ngaihtuah chunga sorkar hi kal turin kan ngen a ni" an ti bawk.#zabilianz #zabilianznews #zofatehuapzo