ZMC&H-ah Neonatal Resuscitation Program Day

#ZabilianZ May 09, 2026: Zoram Medical College & Hospital (ZNC&H)-a Department of Pediatrics leh Department of Obstetrics & Gynaecology ten vawiina 'Neonatal Resuscitation Program Day' an hman chu ZMC& H Dean, Professor Swati M Patki-in a hmanpui.

He program hi Indian Academy of Pediatrics (IAP) leh National Neonatology Forum (NNF) bultuma state 35 leh UT tina a ruala hman ho tura ruahman niin, nausen pianghlim harsatna nei te chhanchhuah dan training hrang hrang Nurse leh Doctor a tam thei ang ber te hnenah pek a ni.

India rama nausen piang 10 zela 1 chu thawk lama harsatna neia piang niin, a hun taka buaipui nghal an nih chuan nausen tam tak chhanchhuah an ni thei a. He training-ah hian naupang doctor, gynaecologist, medical officer, intern leh nurse thahnem tak training pek an ni a. Nausen pianghlim harsatna nei te chhanchhuah an lo nih zel theih nan leh Mizoramin Infant mortality rate (IMR) hniam a neih zel theih nana pawimawh a nih thu ZMC&H hotute chuan an sawi.#zabilianz #zabilianznews #zofatehuapzo