Mizoramah kum 11 chhungin zu avanga thi 305 an awm

#ZabilianZ May 09, 2026: Mizoramah kum 2014 atanga 2025 thlengin zu avanga thi mi 305 an awm a, heng zinga mi 261 te chu mipa niin, hmeichhia 44 an ni.

Excise & Narcotics department (END)-in a chhinchhiah danin, kum 2014 atanga kum 2025 thlengin Aizawl district-ah zu avanga thi mi 33 (mipa 26 leh hmeichhia 7) an awm a, Lunglei district-ah mi 7 (mipa vek), Siaha district-ah mi 1 (mipa), Champhai district-ah mi 62 (mipa 49 leh hmeichhia 13), Kolasib district-ah mi 136 (mipa 119 leh hmeichhia 17) niin, Serchhip district-ah mi 57 (mipa 52 leh hmeichhia panga), Mamit district-ah mi 7 (mipa 5 leh hmeichhia 2), Lawngtlai district-ah mi 2 (mipa ve ve) an thi a. Hnahthial, Khawzawl leh Saitual district-ah hemi hun chhung hian zu avanga thi chhinchhiah an awm lova, Kolasib district chu kum 2014 atanga 2025 thlenga zu avanga thi tam berna district a ni.

END hotu ten an sawi danin, nikum lamah Aizawl dai - Rangvamual, Phunchawng leh Tuikhurhlu-a zu te chu Delhi-a central laboratory-ah vawithum endiktir niin, a result erawh ngaihchan mek a ni a. Zu endikna result hi laboratory lamin an tidik hlei thei lo nia sawi niin, zu endikna result hi zuzi thei dinhmunah a ding nia sawi a ni.

Rangvamual, Phunchawng leh Tuikhurhlu-a zu siam te mihring hriselna atana a hlauhawm dan hre chiang tura Delhi-a central laboratory-a endiktir result hmasaa a lan danin heng zu te hi a quality a chhe hle a, result dangah a chhe lem lo nia a lan bawk si avangin a tum thumna atan endik nawn tir leh a ni.#zabilianz #zabilianznews #zofatehuapzo