4th PAFI National Armwrestling Championship leh 7th Youth National Muaythai Championship-a medal lak lawm

#ZabilianZ June 10, 2026: Sports Minister Lalnghinglova Hmar hovin nimin khan tunhnaia India ram pum huapa Armwrestling leh Muaythai inelnaa lawmman la te lawmpuina hun hman a ni a. Sports Minister chuan infiammite chu an hmazawn theuhah a tha ber thleng thei tura an rilru leh an taksa buatsaih turin a chah.

Mizoram sorkarin infiammite hmasawnna tur ruahmanna a siam mek zel tih Sports Minister chuan sawiin, an thiamna leh theihnate hmanga Mizoram chawimawitute chu lawmthu a hrilh a. Contact Sports hmasawnna turin ITI-ah Centre of Excellence of Boxing din tum a nih thu sawiin, Ministry of DoNER atangin Rs. vbc 38.39 sanction a nih tawh thu a sawi bawk.

4th PAFI National Armwrestling Championship 2026, May 29 - June 2, 2026 a Gandhinagar, Gujarat-a neihah Mizoramin medal 35 (Gold 14, Silver 13 leh Bronze 8) an la a. 7th Youth National Muaythai Championship 2026, June 1-4, 2026-a Haldwani, Uttarakhand-a neihah Mizoramin medal 20 - (Gold 9, Silver 8 leh Bronze 3) an la bawk a in.#zabilianz #zabilianznews #zofatehuapzo