Chief Minister-in kawng siam thar a hawng

#ZabilianZ June 09, 2026: Serchhip Bawngchawm tlanga Paragliding hmun panna kawng thar leh Mat kam Zawlpui leh a chhehvel zau hrang hrang panna kawng siam thar chu vawiin khan Chief Minister Lalduhoma'n a hawng.

Chief Minister chuan an thil hawn tak chu Serchhip leh Mizoram tana hmasawnna lawmawm nia sawiin, "lungte pakhata sava pahnih vawmthlakna a ni" a ti a. "Contractor, Evergreen Construction & Consultancy-in a zawh hun tura bituk thlen hma kum khat vel zet la awma an thawk zo thei chu a lawmawm zual hle" tiin, quality tha taka hun tiam zatvea hna thawk zo PWD-in Letter of Appreciation an hlan awmchhun an ni hial maithei" a ti.

Lalduhoma chuan "heng kawng te hi Paragliding ringawt hisapa siam kan ni lova, a take-off tlang, Bawngchawm tlangah hian Bawngchawm Livestock Society ten ran an vulh a, len khawthawnna tlaka hmunhma nuam a lo ni sa a. Zawlpui leh a chhehvel zau kawng te kuthnathawktute hmakhaw ngaihtuahna vanga siam kan ni" a ti a. "Kuthnathawktu chhungkaw tam tak ten an chhawr dawn a, kan ram economy tana thil tangkai a ni" a ti bawk.#zabilianznews

Report-a a lan danin, paragliding take off hmun panna kawng thui zawng km. 4.70 niin, widening thui zawng meter 260; a kawng zau zawng meter 5.50, a kawng chhuat phah (pavement) zau zawng meter 3 a ni a. Contractor agreement amount Rs. nuai 345, sing 6, sang 3, za 3 leh 10 a ni.

Mat kam zau ho inkalpawhna kawng thui zawng km. 11.20 niin, a kawng zau zawng meter 5.50, a kawng chhuat phah (pavement) zau zawng meter 3 a n. Land improvement - Zawlpui zau, Lumtui zau, Lau zau, Lathei zau, Zuangleng zau leh Chhiahtlang zau te niin, land Improvement thawh zawng zawng zau zawng hectare 83.03 niin, Contractor agreement amount Rs. nuai 963, sing 3 leh 359 a ni a. Heng hna pahnihte hi NABARD sum hmanga thawh a ni.#zabilianz #zabilianznews #zofatehuapzo