Bawlhhlawh khawn leh sawngbawl kawnga rawtna leh thu thlen duh nei tan AMC a inhawng

#ZabilianZ June 02, 2026: Aizawl Mayor H. Lalremtluanga'n bawlhhlawh khawn leh sawngbawl kawnga rawtna leh thu thlen duh nei an awm a nih chuan AMC chu a inhawn reng thu a sawi.

Aizawl Municipal Corporation (AMC)-in Corporator te leh Local Council te puala Solid Waste Management Rules, 2026- zirhona hun a buatsaihah he thu hi vawiin khan Aizawl Mayor chuan a sawi a. “Kan tu leh fa te tana chenna tlak khawvel kan siam theihna turin he dan thar hi duan a ni" tiin, "a hlawhtlin theihna turin kan zavaia thawhho a ngai dawn a ni,” a ti bawk.#zabilianznews

Mayor chuan "bawlhhlawh thliar hran hi a hautak hle chungin kan ti thei ve zel a, dan thar pawh hi khawtlang hruaitute leh mipuite thawhhona zarah a hlawhtlin leh ngei ka beisei" tiin, kalkhawm te leh mipui te chu thawhho puiah a sawm a ni.

Bawlhhlawh sawngbawl kawnga dan thar - Solid Waste Management Rules, 2026 hi sorkar laipuia Ministry of Environment, Forest & Climate Change-in Environment (Protection) Act, 1986 behchhana a duan niin, India ram pumah April ni 1, 2026 atanga hman ṭan a ni a. AMC Corporator leh Local Council member kalkhawm te chuan dan thar hnuaia hmalak dan tur te sawihovin, bawlhhlawh ngah zual te chungchang, chi li-a bawlhhlawh thliar hran tur chungchang leh a khawnkhawm dan tur leh pawimawh dangte an sawiho bawk.#zabilianz #zabilianznews #zofatehuapzo