Champhai Police leh Sub-Hqrs. YMA Champhai-in Rs. vbc 1.69 man hu vela chhut Methamphetamine an man

#ZabilianZ June 08, 2026: Nizan zanlai pelh tawh lamah khan Champhai Police leh Sub-Hqrs. YMA Champhai-in Chhungte khaw dai-ah ip (rucksack pahniha dah Methamphetamine kg 23.855 (mum 212100) tualchhung rate-a Rs. vbc 1.69 man hu vel nia chhut an man.

Champhai Police leh YMA duty te hian scooter pahnih - MZ-01 AB 3317 (access), Rinneihmang (26), Shadow, Myanmar khalh leh MZ-01 R 5168 (Ntorq), Thangluimang (21), Khawmawi, Myanmar khalh te an enfiah a, thil diklo hmu lo mahse, scooter pahnih an enfiah laia kawng sir atanga ipte (rucksack) ak mi pahnih lo kal te chu umzuiin, pakhat chuan a rucksack chu hnutchhiahin a tlan bova. Pakhat dang - Stephen Mangbawithang (20), Topila, Myanmar chu rucksack nen chuan an man a. Rucksack pahnih chhungah chuan Methamphetamine chu an hmu ta a ni.

Rucksack nena tlanchhia pahnih zinga an man zawk Stephen Mangbawithang leh an ruihhlo ken bakah scooter pahnih an enfiah khalhtu - Rinneihmang leh Thangluimang te chu Police te chuan manin, an scooter pawh an hrensak a. Champhai Police station-ah NDPS Act leh Immigration and Foreigners Act tlawhchhanin thubuai an ziaklut nghal bawk.#zabilianz #zabilianznews #zofatehuapzo