MINECO-ah 'PALNA Anganwadi-cum-Crèche' hawng

#ZabilianZ June 08, 2026: Mizoram Secretariat, MINECO-a 'PALNA Anganwadi-cum-Crèche' chu Social Welfare & Women and Child Development Minister Lalrinpuii'n vawiin khan a hawng.

Social Welfare Minister chuan secretariat-a hnathawk nu leh pa, a bikin hmeichhia ten ngaihngam tak leh hna leh chhungkaw enkawl kawp dan tha zawk nei chunga sorkar hna an thawh theihna tura he hmun hi siam a nih thu a sawi a. "Kum 6 hnuailam naupangte chu an taksa leh rilru nasa taka a than lai a nih avangin uluk taka enkawl an ngai" tiin, he crèche kaltlang hian naupangte hriselna, ei leh in, leh an hmasawnna kawng hrang hrang chhinchhiah zui zel a nih tur thu a sawi.

Women and Child Development Director Zoramthangi Chhangte-in PALNA Anganwadi-cum-Crèche chu kum 2022 aṭanga Ministry of Women & Child Development-in Mission Shakti (Women Empowerment) hnuaia hnathawktu hmeichhiate tana a duan thar a nih thu a sawi a. The Maternity Benefit Act, 2017 angin hnathawktu mi 50 aia tam awmna hmunah crèche facility neih ngei tur a nih thu leh sorkar laipui inkaihhruaina zuizuia kalpui tur a nih thu a sawi bawk.#zabilianz #zabilianznews #zofatehuapzo