Cooperative movement chak zawka kalpui tum a ni :Cooperation Minister

#ZabilianZ June 13, 2026: Cooperation Minister PC Vanlalruata'n Mizoram Cooperative Development Council din a nih thu leh Cooperative movement chak zawka kalpui tum a nih thu a sawi.

Mizoram Cooperative Apex Bank (MCAB) Ltd. General Assembly leh scheduled bank-a hlankai an nih lawmna Vanapa Hall-a a hmanpuinaah he thu hi nimin khan Cooperation Minister chuan a sawi a. Scheduled bank dinhmuna Apex bank hlankai a ni chu MCAB tan mai ni lo, Mizo mipui tana mellung pawimawh a nih thu a sawi.#zabilianznews

Sorkarin policy tha tak tak duang mahse, mitin huap hmasawnna thlen tur chuan a bulthut atang hmalak a pawimawh thu Cooperation Minister chuan a sawi a. Cooperative society te leh federation te an thawh that a tul thu leh sorkar policy thil tum thlentirtu pawimawh an nih thu a sawi bawk.

Mizoram Cooperative Apex Bank (MCAB) Ltd. hian pawisa kum liamta 2025-2026 chhung khan bank thar 5 leh ATM booth 3 a hawn belh a. Branch 35 nei mekin, ATM 44 a nei mek bawk a ni.#zabilianz #zabilianznews #zofatehuapzo