Darnamtlanga tuihri leng nia sawi chu damlo te natdan atangin Tuihri a nih a rinawmloh - sample te enfiah tura hmalak a ni :Chief Medical Officer

#ZabilianZ June 05, 2026: Lawngtlai district CMO Dr. Lalmuanawma Jongte-in Darnamtlanga tuihri leng nia sawi chu damlo te natdan atangin Tuihri a nih a rinawmloh thu a sawi a. Sample te la-a enfiah tura hmalak a nih thu a sawi.

Darnamtlang-ah hri a leng nia sawi a nih hnu ah medical team tirh an nih thu leh an vil reng thu sawiin, damdawi mamawh te pawh thawnluh a nih thu CMO chuan a sawi a. Darnamtlang khaw chhungah damlo pali an awm mek thu leh ngaihtuahawm an nih loh thu sawiin, Bungtlang South PHC-a mi pahnih inentir te pawh admit ngai an nih loh thu a sawi.#zabilianznews

He natna avanga Bungtlang South PHC-a pakhat enkawl mek dinhmun pawh a that thu CMO sawiin, hriat theih chinah kawthalo vei mi pasarih an awm thu leh hrileng anga ngaih theih a nih rih loh thu a sawi a. Damlote pawh tha taka enkawl an nih thu leh ngaihtuahawm an awm loh thu a sawi bawk.

In 115 awmna, mi 540 vel chenna Darnamtlang-ah hian June ni 2, 2026 khan kawthalo leh luak avangin mipa kum 53 mi a thi a, heimi hnu hian mipui an mangan zual deuh nia hriat a ni a. Bungtlang South PHC hnuaia awm niin, Medical Officer kaihhruaina hnuaiah medical team ten an vil mek a ni.#zabilianz #zabilianznews #zofatehuapzo