#ZabilianZ June 09, 2026: P&E Minister F. Rodingliana'n electric a thim zing nia sawi chungchangah kum 3 kalta an enlet nia sawiin, "darkar tam fe in ZPM sorkar hnu ah kan eng tha zawk tih kan hmu a ni", a ti.
ZPM party chhung inkhawm nimina neihah he thu hi P&E Minister chuan a sawi a. "Mizoram-ah electric consumer nuai 3 kan nei a, Aizawl bikah sing 8 an awm" tiin, smart meter sing 5 leh sang 6 vuah a nih tawh thu a sawi bawk.#zabilianznews
F. Rodingliana chuan "kan policy a kan telh - P&E deptt. chhungah outgoing feeder meter 398 vuah turah 307 vuah a ni tawh" a ti a. Darzo lui khuah tur chungchangah pawh hmalak zel a nih thu leh an biak hmasak company te an rem loh avangin a ti thei tur company dang biak mek a nih thu a sawi.
Sorkar hmalakna te chu sorkar kalta ngaihtuah chuan an thawk tha thawkhat hlea a lan thu F. Rodingliana chuan sawiin, "inthlan leh ah hian kan sorkar chhunzawm ngei a beiseiawm hle a ni", a ti a. Hydel project leh solar lamah pawh hmasawnna a awm zel thu sawiin, "Tuivai DPR kum 5 chhunga peih tura tih pawh thla 15 chhungin an rawn peih hman a, Mat sekhawi pawh Topographical survey zawh a ni tawh a, report siam mek a ni" a ti bawk.#zabilianznews
F. Rodingliana chuan "Industry ram, mihausa leh thil tithei ten hnathawhna atan hmang si lova an neih mek - Lengte-ah mi 68 hnawh chhuah tur leh Zuangtui ah mi 80 vel lehkha pek an ni tawh" a ti a. Lengte lamah sorkar khing an awm avangin duh angin hmalak a chak thei lo nia sawiin, "thawhchhuah (product) nei si lova awm te chu kan la hnawtchhuakin a rinawm",a ti bawk.#zabilianz #zabilianznews #zofatehuapzo
0 Comments