Zarkawt venga raltlân leh hnamdang in luah nei te - June ni 30 ral hmaa in luahtu hming YMA Secretary hnena thehlut turin hriattir

#Zarkawt June 09, 2026: Zarkawt veng, Aizawl-in Zarkawt venga raltlân leh hnamdang in luah nei te chu tun thla - June ni 30, 2026 ral hmaa in luahtu hming YMA Secretary hnena thehlut turin an hriattir.

Thuchhuah chuan - hun tiam chhunga thehluh a nih loh chuan Zarkawt veng mi-a ngaih loh tur an nih thu leh Local Council lehkha pawimawh leh YMA hriatpuina lehkha engmah pek chhuah an nih loh tur thu tarlan a ni a. Pem lehkha emaw testimonial lehkha nei lova Zarkawt venga awm te chu Local Council lehkha pawimawh leh YMA hriatpuina lehkha engmah pek chhuah an nih loh tur thu leh chhiat an tâwk palh a nih pawhin YMA Executive Committee-in an kalpui dan tur a ngaihtuah tur thu tarlan a ni.#zabilianznews

Pem lehkha nei lova Zarkawt venga khawsa an awm a nih chuan an chhuahsan tâk veng/khua atanga pem lehkha emaw hriatpuina emaw la-a thehlut turin an hriattir bawk.

Zarkawt veng Local Council leh Zarkawt branch YMA chuan kar kalta - June ni 5, 2026 zan khan Zarkawt venga in leh dawr luah tur nei zawng zawng, Zarkawt venga cheng lo te pawh kokhawmin, tul leh pawimawh hrang hrang an lo sawihopui tawh a ni.#zabilianz #zabilianznews #zofatehuapzo