Excise & Narcotics, Assam Rifles leh CADS-in heroin hawng 60 chuang an man

#ZabilianZ June 12, 2026: Excise & Narcotics Dept., 34th Bn. Assam Rifles leh CYMA hnuaia Central Anti Drugs Squad (CADS) te tangtlangin tukin dar 2:30 khan New Vervek-ah heroin gram 740 (hawng 61) leh a neitua puh leh he thila inhamhnawih nia puh mi 9 an man.

Heroin neitua puh leh he thila inhamhnawih nia puh te chu - Lalramsiem (43), Andrew (30), Lalchuailou (49), Joseph (19), Lalrinchhan (36) leh Lalmalsawm (37), Lungthulien, Pherzawl Dist. Manipur nia insawi vek te, Lalthlankung Hmar (42), Khiangbawr, Pherzawl Dist. Manipur, John Barnard (34), Sipuikawn, Pherzawl Dist. Manipur leh Lalneihlim (18), Damdei, Pherzawl Dist. Manipur nia insawi te an ni a. Heroin phurhkualna atana an hman Mahindra Bolero Camper thar - registration no. la nei lo chu hrensak an ni bawk.

Heroin vanga man te hi NDPS Act tlawhchhana thubuai siamsak niin, vawiin khan Special Court (NDPS Act), Aizawl District, Aizawl-ah hruai nghal an ni a. Court-ah thiamloh an chang a nih chuan kum 10 atanga kum 20 Jail tang tur leh Rs. nuai 1 atanga nuai 2 thleng chawi tura hrem theih an nih thu Excise & Narcotics Dept. hotute chuan an sawi a ni.#zabilianz #zabilianznews #zofatehuapzo