#ZabilianZ June 05, 2026: Training and Development Institute - emPOWERu, Kulikawn, Aizawl ami chu vawiin khan IPRP&S Minister B. Lalchhanzova'n a hawng.
IPRP&S Minister chuan "sorkar hna a that rualin, mahnia intundin tumna lam kan hawi zel hi a lawmawm" tiin, hetiang kawnga kaihruaitu leh zirtirtu an awm ta chu lawmawm a tih thu a sawi a. Soft skills pawimawh zia sawiin, "tunlai khawvelah eng hna pawh thawk dawn ila, midang nen kan indawrna kawngah hawihhawm taka indawr zel a tul" tiin, "hetiang zirna Mizorama kan nei ta hi a lawmawm hle a ni" a ti bawk.
emPOWERu Founder Director Golda Dell Zohmangaihi'n he Institute hian a tum ber chu Mizo mipui ten eizawnna kawnga hmasawnna tur, a dawrtute lo dawnsawn dan tha zawk te, an hnuaia hnathawk te chhawr dan tha zawk te, kawng hrang hranga hlawhtlinna leh changkanna kawng an zawh theihna tura inzirtir te a nih thu a sawi a. "Puitlin hnuah chauh ni lo, Middle School level atanga inzirtir tan a pawimawh" tiin, an thil tum a hlawhtlin chuan mahni a eizawng te leh mi hnuaia thawk te zawng zawng pawh sang takah a hlankai theih tur thu a sawi bawk a ni.#zabilianz #zabilianznews #zofatehuapzo
0 Comments