Taxi driver tha ber chawimawina dawng tawh H. Laldanmawia kutchhuak lehkhabu ‘Taxi Pu Titi’ tlangzarh

#ZabilianZ June 05, 2026: Kum 2025-a Tourism Department-in taxi driver tha bera a thlan H. Laldanmawia lehkhabu ziak ‘Taxi Pu Titi’chu vawiin khan Tourism Minister Lalnghinglova Hmar-in a tlangzarh.

Tourism Minister chuan "Tourism Department thlirnaah chuan taxi driver-te hi kan tour guide te an ni" tiin, "kan information centre hmasaber an ni bawk" a ti a. "Taxi driver kan neih that chuan tourism-ah kan thang dawn a, kan neih that loh chuan rel-a lo lut te hi an lo kal nawn tawh lo maithei a, an lo kal nawn fo erawh chuan tourist hmun tha tak kan ni mai dawn a, kan inkungkaihna hi a hnai em em a ni" a ti.#zabilianznews

Lalnghinglova Hmar chuan "khualzin lo kal zawng zawng deuhthaw ten kan rama an rawn hman hmasakber an nih avangin keini tan chuan an pawimawh hle a ni." a ti a. "Taxi driver te hi Mizoram phurtute an ni" tiin, mi chi hrang hrang an phur a, mikhual ten chiang zawka Mizoram an hmelhriatna hmasaber an nih thu a sawi bawk.

Lehkhabu thlirlawktu Dr. H. Laldinmawia'n he lehkhabu-ah hian thuziak tha tak tak 64 a awm thu sawiin, "'Taxi Pu Titi' tia a bu hming phuah a nih avang hian a nuihzatthlak zawng te, a ngaihnawm lai deuh te awm tura ngaih a awl viau laiin, mihring nun infuih tharna lam lehkhabu 'motivational literature' lehkhabu tha tak a ni" a ti bawk.#zabilianz #zabilianznews #zofatehuapzo