#ZabilianZ June 15, 2026: Larsap General VK Singh-a'n YMA member zawng zawng te YMA Day chibai bukin duhsakna a hlan.
Larsap chuan YMA chu khawtlang, hnam ziarang leh nunphung chawilar leh tihhmasawn kawnga Mizorama tlawmngai pawl lian ber a nih thu a sawi a. Tanpuingaite tanpui, Mizo hnam ziarang, nunphung leh rohlu chhawmnun leh chawilar kawngah YMA-in theihtawp a chhuah leh sorkar hmalaknate a hlawhtlin theihna tur leh zau zawk a thlen theihna tura tha taka a tawiawm thin avangin a fak bawk.
Mizo mipuite chu an thil tihna apiangah tlawmngaihna lantir zel tura chahin, mahni inphata, lainatna leh midang tana inpekna nunpui tlat turin a sawm a. Hnam bil inkara inunauna chawilar tur te, aia upa zah tur leh mahni hnam tobul nghet taka vuan tur te, ruihhlo leh a kaihhnawih laka inthiarfihlim tur leh thalaite hmakhawngaia theihtawp chhuaha tangruala ruihhlo do tur te in a chah a ni.
Larsap chuan Mizoram mipui leh ram pum hamthat nan YMA chuan sorkar leh khawtlang huap pawl dangte nen tha taka hma an lak ho zel a beisei thu pawh sawiin, YMA kalzelna turah duhsakna a hlan bawk.#zabilianz #zabilianznews #zofatehuapzo
0 Comments