Lawngtlai-ah Chakma zu, khawthlang lam atanga lut a tam ber a, Lunglei leh Siaha lam atangin ruihhlo dang a lut tam ber

#ZabilianZ June 10, 2026: Lawngtlai-ah Chakma zu, khawthlang lam atanga lut a tam ber a, Lunglei leh Siaha lam atangin ruihhlo dang a lut tam ber thung.

Ruihhlo do beihpui chungchanga Lawngtlai Bawrhsap Donny Lalruatsanga hova Central YLA Office Bearers thutkhawmah he thu hi vawiin khan sawilan a ni a. Zu leh ruihhlo dang do rem turin a lo luhna hriata chak zawka hmalakho ni se, an ti a ni.#zabilianznews

Central YLA hruaitute chuan ruihhlo dona atana mamawh an neih te Bawrhsap hnenah hian an thlen nghal a. Bawrhsap pawhin a theih ang anga ngaihtuah a nih tur thuin a chhang nghal bawk.

Lawngtlai Bawrhsap Donny Lalruatsanga chuan ruihhlo do kalpui mekah committee peng hrang hrang awm mahse, CYLA- nen hmalaknate inhriatpawhtawn a tul thu a sawi a. Ruihhlo bakah foreigner leh sumdawnna chungchangah pawh hmalakna tur tam tak a awm thu sawiin, state sorkarah preliminary SOP thehluh a nih thu leh tun thla chhunga pawmpuina hmuh beisei a nih thu Bawrhsap chuan a sawi bawk a ni.#zabilianz #zabilianznews #zofatehuapzo