Sports Minister Pisa-ah Nazareth Lalthazuala hlawhtlinna lawmpuina hun buatsaih

#ZabilianZ June 10, 2026: Sports Minister Lalnghinglova Hmar leh Sport & Youth Service Dept-in Bangkok, Thailand-a neih zawh tak - One Championship Friday Night Fight-a US dollar nuai 1 contract hnek chhuaktu Mizo MMA Fighter Nazareth Lalthazuala hnenah vawiin khan lawmpuina thilpek an hlan.

Sports Minister pisa-a Nazareth Lalthazuala lawmpuina hun buatsaihah Sports Minister chuan "Nazareth Lalthazuala'n December ni 5-a One Championship-a hnehna a chan tumin lawmpuina hun a pisa-ah buatsaih a nih tawh thu sawiin, "tunah a aia thleng sang zawkin lawmpuina hun kan hmang leh thei hi a lawmawm takzet a ni" a ti a. "Nazareth-a kan chawimawina hian kum lama la naupang zawk te fuih thar se" tiin, Nazareth-a taimakna leh huaisenna chuan thangthar te cho chhuak se a duh thu a sawi.

India ramin 2036 Olympic thlen tuma hma a lak mek thu Sports Minister chuan sawiin, "Zofate pawh Olympic-ah kan tel ngei theihna turin nasa takin hma kan la mek" a ti a. Mizoram atangin mi pahnih chauh Olympic-ah an la tel thei tih sawiin, "Mizote theihna lam hawi combat sport lam kan thlur bing deuh bik a, chumi atan chuan NESIDS (ORTRI) atangin Rs. vbc 38.4 kan hmu tawh" tiin, "sport discipline pakhat hminga a kal a ngai si a, Aizawl-ah Boxing Center of Excellent kan din dawn a, Boxing chauh ni lo, combat sport huang ami te a leng deuh vek turah kan ngai", a ti bawk.

Nazareth Lalthazuala hlawhtlinna lawmpuinaah hian MISMA Honorary President, MLA ni bawk Lt. Col. Lalhmingthanga leh MLA dang - Lalmuanpuia Punte leh Jeje Lalpekhlua te bakah Sport Department hotute leh MISMA hruaitu ṭhahnem tak an tel a ni.#zabilianz #zabilianznews #zofatehuapzo