Lunglei Bawrhsap-in primary school zirlai ten a bulthut atanga English thiam kawnga hma an sawnna tur programme ELF 2.0 a hawng

#ZabilianZ June 11, 2026: Lunglei district-a Primary School zirlai ten a bulthut atanga English thiam kawnga hma an sawn theihna tura Lunglei Bawrhsap office leh Disha Foundation ṭangkawpin a thawh hnihna atana English Language Foundation (ELF) 2.0 an ruahman chu nimin khan Lunglei Bawrhsap Navneet Mann-i'n a hawng. Lunglei Bawrhsap chuan Lungsen aspirational block-a Primary School 10-ah ELF thawhkhatna hlawhtling taka kalpui a nih tawh thu sawiin, school dangah a thawhhnihna an kalpui leh thei tur chu lawmawm a tih thu a sawi a. ELF hlawhtlinna tura kawng hrang hranga thawktute lawmthu hrilhin, he programme zirlai ten an sawtpui theihna tura theihtawp chhuah zel turin a chah bawk.

ELF 2.0 hi Lunglei district-a sorkar primary school thlan bik 10-ah kalpui tura ruahman a ni a. Lungsen aspirational block-ah school 6 leh Lunglei Municipal Council (LMC) huam chhungah school 2, Bunghmun block leh Tlabung block-ah school 1 ve ve-ah kalpui tura ruahman a ni.#zabilianz #zabilianznews #zofatehuapzo