MPCC PAC-in fuel cess lak mek titawp turin Mizoram sorkar an ngen

#ZabilianZ June 03, 2026: MPCC thuneitu sang PAC thukhawmin sorkar-in fuel cess a lak mek titawp turin Mizoram sorkar an ngen.

Congress party PAC chuan May ni 29, 2026-a MPCC Treasurer Dr. Lalmalsawma Nghaka hova press conference-ah Mizoram sorkar chu fuel cess lak titawp tura an lo ngen tawh thu sawiin, mipui phurrit zual zel chhawk zangkhai tura fuel cess lak mek chu titawp nghal turin an ngen a ni.#zabilianznews

Fuel man sang zelin India rama harsatna a thlen dan te, hnathawk tura kal velna leh bungraw phurh man a tihsan zel dan te MPCC PAC chuan sawiin, India-in ramdang ațanga crude oil a chawkluh avanga rupee hlutna a tlakhniam zel thu leh hei hian ram chhungah fuel man a tihsan zel thu an sawi a. Ei leh in, nepnawi, delivery leh public transport thlenga a zel thu an sawi.

MPCC PAC chuan "Central sorkar thuchhuak anga Mizoram sorkar ngei pawhin fuel renchem a kalpui mek lai hian fuel cess sang tak a lak mek hi la tawh rih lo turin sorkar chu kan ngen a ni" an ti bawk.#zabilianz #zabilianznews #zofatehuapzo