Union MoS lo zin - IPRP&S Minister-in rawtna leh mamawh hrang hrang a lo thlen

#ZabilianZ June 02, 2026: Union Minister of State for Information & Broadcasting and Parliamentary Affairs Dr. L. Murugan-a'n vawiin khan Mizoram rawn thlengin, sorkar mipawimawh te nen Lengpui Airport-a meeting an neih hnu-ah Kolasib a pan.#zabilianznews Information, Public Relations, Printing & Stationery Minister B. Lalchhanzova'n Mizorama chanchinbu/media, film industry, leh digital infrastructure tihmasawnna tura rawtna te a lo thlen a. A thu thlen zingah - Mizorama school 200 leh college 20-ah te Animation, Visual Effects, Gaming leh Comics (AVGC) Content Creator Labs din a nih theihna tura allocation siamsak tur te, National Film Development Corporation (NFDC) leh Film and Television Institute of India (FTII) te anga institution hmingthangte kaltlangin Mizo filmmaker-te tana training & skill development programme buatsaih tura ngenna te pawh a tel.

Mizoramah Film Festival neih chhunzawm zel a nih theihna tura hma laksak tur te, hmarchhak state-te tan cinema theatre infrastructure cheithat leh din tharna tur scheme hrang siamsak tur te, Mizo filmmaker te ram chhung leh khawvel huap film festival lianthamah te an tel ve theihna tura institutional support pek chhunzawm zel tur te-in a ngen a. Information & Broadcasting Ministry hnenah hmarchhak state-te tana 10% Gross Budgetary Support (GBS) dah hran atangin Mizoram sorkar hnuaia project thar leh hmasawnna tura ruahman hna hrang hrangte sum sanction sak turin a ngen bawk.#zabilianz #zabilianznews #zofatehuapzo