MTA-in Mizotaxi app-a man chawia inziahluh an duh lo - naktukah sorkarah an duh dan thlen an tum

#ZabilianZ June 01, 2026: Mizoram Taxi Association (MTA)-in sorkarin Mizotaxi mobile app a siam chu thu leh awm hma chu lo hmang lo tur leh registration pawh lo ti lo turin an member te an hriattir.

MTA chuan he app chungchangah hian State Transport Authority-in an pawl chu a rawn thu leh man chawia inziahluh ngai chu tha an tih loh thu an lo thlen tih an sawi a. Sawihona pawh awm leh tawh chuang lova biakrawn an nih anga an duh dan an thlen ten ngaipawimawh a hlawh lo chu pawi an tih thu leh hmalak dan tur an ngaihtuah tur thu an sawi.

MTA hian naktukah hemi chungchanga an duh dan leh ngaihdan te sorkar-ah an thlen dawn nia thudawn a ni.#zabilianznews

Sorkar-in Mizorama passenger phur chi lirthei hmang thin ten sorkar-in a pawm rate dik tak an chawi theihna atana ruahman Mizotaxi mobile app hman a nih tur thu chu kar kalta khan a puang a. Mizotaxi mobile app hi July ni 1, 2026 atangin Aizawl-ah hman tan tura ruahman niin, Aizawla service lai four-wheeler taxi, two-wheeler taxi leh auto-rickshaw te chu vawiin - June ni 1, 2026 atanga June ni 30, 2026 thlenga he app hmang tura inziaklut tura tih an ni.

Tun thla chhunga inziaklutte tan inziahluh man kumkhatah Rs 600 (thla khatah Rs 50) ruahman niin, hemi hnulama inziaklut te chuan Rs 1,000 an chawi a ngai tawh dawn tih sorkar thuchhuah chuan a tarlang bawk.#zabilianz #zabilianznews #zofatehuapzo