Saitual Police-in Morphine leh Heroin an man

#ZabilianZ June 01, 2026: Saitual DEF Special team-in nimin - May ni 31, 2026 khan Morphine Kg. 6.683 leh Heroin sahbawn case 1 an man.

Morphine leh Heroin te hi Ashok Leyland truck AS-01 JC 9512 - driver thutna sira kaw siamchawpa thuhruk chu Saitual DEF Special team te hian an man a. Morphine chu Rs. 6,68,30,000 man hu-a chhut niin, Heroin chu Rs. 2,40,000 man hu-a chhut a ni bawk.

Saitual DEF Special team hian an thil man kaihhnawihah hian truck khalhtu Raju Giri (32), Bokajan CF, Karbi Anglong, Assam bakah Karnamani Das (26), Misamari, Nutun Bazar, Nagaon, Assam leh Ganesh Das (40), Lal Ganesh, Banik Para, Kamrup Metro, Assam te an man tel a, mobile phone 3 an hrensak bawk a ni.#zabilianz #zabilianznews #zofatehuapzo