Nazareth-a'n US dollar nuai 1 contract a hnek chhuak

#ZabilianZ June 06. 2026: Mizo MMA Fighter Nazareth Lalthazuala’n nizan khan Bangkok-a ONE Championship-ah US dollar nuai 1 contract a hnek chhuak.

Hneh loh la nei lo, Phuaibuang khuaa pianga seilian, Zemabawk East, Aizawl-a cheng mek Nazareth Lalthazuala hi Mizo zingah ONE Championship-a tel thei hmasaber niin, Bangkok, Thailand-a ONE Friday Fight 157 ah nizan khan strawweight category (kg 52.2 - kg 56.7)-ah a khingpu Philippines fighter Jhon Brutus chu 1st round-ah a knock out a ni.

Nazareth-a hian ONE Championship-ah hian US dollar nuai 1 contract a hlawhchhuah bakah fight bonus Thai baht sing 3 leh sang 5 a dawng bawk.#zabilianznews

He thu buatsaih laia US dollar leh India pawisa hlutna inthlauh mekna (dollar 1, Rs. 94.95) atanga chhutin Nazareth Lalthazuala contract thar hi India pawisa-in Rs. 9495053.08 hu a ni.

Chief Minister Lalduhoma chuan Nazareth Lalthazuala hlawhtlinna a lawmpui thu sawi nghalin, "a thil tih ropui tak hian India ram leh Mizote min chawimawi a ni" a ti a. Sports Minister Lalnghinglova Hmar leh Mizoram State Mix Martial Arts Association (MISMA) te pawhin Nazareth Lalthazuala an lawmpui thu leh chhuanawm an tih thu sawiin, a hmalam hun atan duhsakna an hlan bawk.#zabilianz #zabilianznews #zofatehuapzo