#ZabilianZ June 16, 2026: Tuisual Group YMA huam chhunga branch hrang hrang-in nimin YMA Day-ah khan YMA kumpuan Ruihhlo Do bawhzuia ruihhlo chi hrang hrang an man te an tichhia a. Joint YMA Sakawrdai leh Group YMA Kumpuan Committee-in - rakzu engemawzat leihbuain, Mauchar branch-in rakzu, sap zu, beer, Burma zu leh heroin no.4 te an tichhia a. New Vervek branch-in - rakzu litre 150 leh ganja kg 1 an tichhe bawk.
Tuisual Group YMA hi Assam leh Manipur inrina hmuna awm niin, Tuivai lei a that chinah dan phalloh (smuggling) tawlh rukna kawng berah an hmang niin Sakawrdai atanga thudawnna chuan a sawi a. YMA member ten ruihhlo do kawngah tha thlah lova theihtawp an chhuah zel thu a sawi.
YMA (civilian)-in an check ngam loh vengtu nei tha tak tak pawhin an paltlang thin niin thudawnna chuan a sawi a. Tuisual Group YMA pawhin sorkarin an mamawhna leh an dinhmun te hriatpuia Tuisual Group YMA huam chhunga Police check post changtlung tak siamsak tura an duh thu an sawi bawk.#zabilianz #zabilianznews #zofatehuapzo
0 Comments