Venghnuai Community Recreation Centre sak mek leh Directorate of Economics & Statistics building sak tha tawk lo thawmthat hna thawh endik

#ZabilianZ June 10, 2026: Mizoram State Project Monitoring Committee (MSPMC)-in nimin khan Venghnuaia Community Recreation Centre sak hna thawh mek leh MINECO-a Directorate of Economics & Statistics Building thawmthat hna thawh te tlawhin an enfiah.

Hnathawktu te nen harsatna awm te sawihovin, hna tha neih dan tur te leh a rang thei ang bera zawh theih dan tur te an sawiho bawk.

Venghnuaia Community Recreation Centre sak hna chu October 2025 ah tan niin, October, 2027 ah zo tura ruahman a ni a. SASCI sum Rs. vbc 10 hmangin UD&PA Department hnuaiah Aizawl Smart City Ltd-in Contractor M/S Sky Builders, Zemabawk North, Aizawl ruaiin an sa mek a, hna zaa 56 zawh tawh niin, Contractor hnenah hnathawh tawhna bill Rs. vbc 3 (42%) pek tawh a ni.

Directorate of Economics & Statistics Building chu kum 2014-a NECS-in ‘turnkey basis’ a an thawh tawh, ban leh beam te specification tling lo avanga chaklo thawmthat hna - SASCI 2024-25 sum Rs. vbc 2.07 hmanga thawh mek a ni a. He hna hi PWD-in enkawlin Contractor CB Engineering, Venghlui, Aizawl-in an thawk a, thla 12 chhunga hna zo tura tih niin, hna zaa 75 zawh tawh a ni a. Contractor hnena pawisa pek tawh Rs. nuai 100 vel a ni.

He hna hi a hmunin a zir loh avangin hun tiam chhunga zawh hman a ni dawn lo tih sorkar thuchhuah chuan tarlangin. September ni 9, 2026 hma ngeia zawh tum a nih thu tarlan a ni bawk.#zabilianz #zabilianznews #zofatehuapzo