ZPM-in an sorkar hmain restricted tender sawisel nasa hle mahse, an sorkar hnuah an uar hle :James Thanghmingmawia

#ZabilianZ June 09, 2026: MPCC Environment Protection & Social Justice Cell Chairman James Thanghmingmawia'n ZPM-in an sorkar hmain restricted tender sawisel nasa hle mahse, an sorkar hnu ah an uar hle nia sawiin, "midang aia tha zawka inzuar te hi an that zawkna hmuh tur a awm lova, midang te aiin an 'over' zawk" a ti.

Congress party political session nimina neihah he thu hi James Thanghmingmawia chuan a sawi a. Chief Minister Lalduhawma chu an sorkar hmaa Assembly House-ah te restricted tender nasa taka dodal thin a nih thu sawiin, kum 2023 MLA inthlan campaign kick off - August ni 24, 2023-ah pawh "restricted tender kan tih ve loh ringawt hian kan sum dinhmun chu nasa takin a siamtha nghal ang" tiin a sawi niin a sawi.#zabilianznews

James Thanghmingmawia chuan "an han sorkar ta a, sorkar kal tawh te zawng zawng aia uchuakin restricted tender an uar ta zawk a" a ti a. "'contract chu contractor-in an thawk ang' tia an sawi te chuan awmzia a nei lovin, an thusawi letling hlauhin an kal ta a ni" a ti.

MPCC Environment Protection & Social Justice Cell Chairman  chuan "ZPM sorkar hian hna hrang hrang 76, Rs. vbc 629.17 man a hlawmin restricted render blanket approval-in an duhsak zawng te an pe vek" a ti a. Ni 22.10.2025 ah hna chi hrang hrang 41, Rs. vbc 328 man restricted blanket approval thovin an duhsak bik te an pe leh niin a sawi.#zabilianznews

Social Welfare, Women & Child Development Dept. hnuaiah Ni 18.09.2025 ah hostel pathum a vaiin Rs. vbc 150.97 man restricted tender hmanga duhsak zawng te pek a nih thu James Thanghmingmawia chuan sawiin, Tourism Dept-in Swadesh Darshan hnuaia an project hmuh Heritage and Cultural Centre, Champhai, Rs. nuai 3885.45 leh Eco-Resort Experience at Keilungliah, Champhai, Rs. nuai 3387.25 man pawh restricted tender hmangin an duhsak zawng te an pe niin a sawi a. "Keilungliah Eco-Resort hna chu Joint venture P&V Eastern Engineers and its Associates te pek an ni" tiin, he company hi Champhai North bialtu ZPM MLA H. Ginzalala ta nia sawi a nih thu a sawi bawk.#zabilianz #zabilianznews #zofatehuapzo