#ZabilianZ July 10, 2026: Hachhek Bial Kuhva Chingtu Pawl (HBKCP)-in kuhva tawlhruk avanga harsatna an tawh nasat thu sawiin, kuhva tawlhruka inhnamhnawih te ti chhunzawm tawh lo turin an ngen a. "Kan ngenna ngaipawimawh lova tilui te chungah engpawh thleng se, an sawibuai thei lovang" an ti.
Kuhva ro tawlhruk avangin Hachhek bial mipuiin an eizawnna ber, kuhva huan siam leh a hralh kawngah harsatna an tawk nasa tih HBKCP an sawi a. D
an lova kuhva tawlhruk chuan man
man zawka an kuhva thar te an hralhna kawng a dal thin avangin
theihtawp chhuaha an do zel tur thu an sawi.#zabilianznews
HBKCP chuan dan lova kuhva ro tawlhruk - Pik Up truck MZ-08 6491-a phurh, quintal 18, Lalramhluni, Rangvamual ta chu nimin zing dar 1:30 vel khan Kawrthah Police-in an man tih sawiin, lawmawm an tih thu an sawi a. He kuhva neitu chuan Aizawl - Mamit - Kanhmun kawng aiin, Aizawl - Kolasib - Vairengte kawngah kuhva ro tawlhruk a remchan zawk thu a sawi nia sawiin, "a kawng pawh a tluangtlam zawk a ti" an ti a. "Hetiang hi thil awmdan a nih chuan a rukin dan lova kuhva tawlh hi a la kal reng tihna a ni a, a pawi hle a ni" HBKCP chuan an ti.
Kawthah Police Station-a thawktu indaihlohna sukiang tura sorkar ngenin, HBKCP chuan Kawrthah Police Station-a thawktu awm tur zat ang dah turin sorkar an ngen a ni.#zabilianz #zabilianznews #zofatehuapzo
0 Comments