#ZabilianZ July 27, 2026: Aizawl District Water & Sanitation Mission (DWSM)-in State Water & Sanitation Mission (SWSM) atanga an dawn bawlhhlawh tawihtheilo khawn khawmna tur motor pali chu tukin dar 8:30 khan Aizawl Bawrhsap Pisa tual atangin an semchhuak a. Motor te hi DWSM Chairman, Aizawl Bawrhsap Er. Lalhriatpuia'n a hmangtu tur te hnenah hlanin a vailiam.
Bawlhhlawh tawihtheilo khawn khawmna tur motor pali te hi Swachh Bharat Mission Grameen atanga lei motor 7 zing mi te niin, Seling Plastic Waste Management Unit enkawltu, Vanzel EcoSolution leh Aizawk Plastic Waste Management Unit enkawltu Waste Tech & Bio-Energy hnenah pahnih ve ve-a hlan a ni.#zabilianznews
Sorkar thuchhuahin a tarlan danin, Mizoram hmun 5-a bawlhhlawh tawihtheilo sawngbawlna kalpui mek zingah pahnih chu Aizawl dist-ah awmin, - Seling Plastic Waste Management Unit leh Aibawk Plastic Waste Management Unit te an ni a. Seling ami hian Thingsulthliah RD block leh Darlawn RD block te huamin, Aibawk ami-in Aibawk RD block leh Tlangnuam RD block te a huam a. Bawlhlawh sawngbawlna hmun pahnihin a huam chinah hian khaw 48, in sing 1 leh sang 2 vel a awm a ni.
Bawlhlawh sawngbawlna hmun te hi mipuiin a hman man an pek tlingkhawm hmanga enkawl a ni a. A hman man a luh thatloh avanga harsatna awm thenkhat chu bawlhhlawh phur motor semchhuah hian a chhawk theih rin a nih thu sorkar thuchhuah chuan a tarlang bawk.#zabilianz #zabilianznews #zofatehuapzo
0 Comments