#ZabilianZ July 15, 2026: Chief Minister Lalduhoma'n Mizoram sorkar hnuaia document diklo hmanga family pension la mek zawng zawng te ngaihhnathiamna hun hawn chhunga pension payment order sorkar-a pekir tura ngenin, hun hawn chhunga pekir te chu ngaihdam an nih tur thu a sawi.
Finance department-in dan dik lova family pension la ten an pension payment order sorkara an pekkir na tura hmalakna bultanna hun an buatsaih a hmanpuinaah he thu hi vawiin khan Chief Minister, Finance changtu ni bawk chuan a sawi a. Sorkar-in pensioner te a duhsak em em laiin, mi engemawzatin diklo takin family pension an la nia hriat a nih thu sawiin, "diklo taka sorkar sum luan raltirna hi tihtawp kan tum a ni" a ti.#zabilianznews
Chief Minister chuan mi thenkhat chuan tum reng vangin document lem hmangin family pension an la nia a lan laiin, tam tak chuan an hriatloh avangin an lo la a nih theih thu a sawi a. A bultan nan mahni duhthu ngeia pension payment order pekkirna hun thla thum chhung atana hawn mek a nih thu leh document diklo, dawt behchhana family pension la ten anmahni duhthu ngeiin pekir se an duh thu a sawi.
Hun hawn chhunga pension payment order pekir te chu an sum lo lak tawh te chhuhsak an nih loh tur thu leh ngaihdam an nih tur thu Chief Minister chuan sawiin, ngaihhnathiamna hun a ral hnu ah chuan diklo taka pension la hmuhchhuahte chu tihtawpsak an nih bakah hremna pek an tum thu a sawi bawk.#zabilianz #zabilianznews #zofatehuapzo
0 Comments