#ZabilianZ July 14, 2026: School Education Minister Dr Vanlalthlana leh Sport Minister, Aizawl West II bialtu ni bawk Lalnghinglova Hmar ten Aizawl West II huam chhunga Govt. Dawrpui Vengthar Middle School tlawhin, Sport School-a siam theih dan tur an enfiaha, khawtlang hruaitute nen an sawiho nghal bawk.
Sport Minister chuan kum kaltaah Dawrpui Vengthar Local Council leh YMA hruaitute nen Govt. Dawrpui Vengthar Middle School chu zirlai an neih tlem avangin sport nena kaikawpa ‘Sport School’ atana siam tura ngaihtuahna an lo hman tawh thu a sawi a. Sport discipline thlan bikah an zirlai bahlah lova, sport school chu siam tum a nih thu leh Sport school chu National Education Policy (NEP) 2020 thil tum nena kalkawp a nih thu a sawi.#zabilianznews
Education Minister pawhin khawtlang hruaitu ten zirna lam an ngaihsaka, an inrawlh tam chuan, sikul leh zirna a that thin thu a sawi a. Sorkar zirna in tihchangtlun chu miharsa zawk te tanpuina a nih tel thu sawiin, zirtirtute leh khawtlang hruaitute thawhhopuiah a sawm bawk.
Govt. Dawrpui Vengthar Middle School-ah academic session kalmekah zirlai 23 an awm a, pawl 5-ah zirlai 3, pawl-6 leh pawl-7 ah zirlai 7 ve ve leh pawl 8-ah zirlai 6 an awm a ni.#zabilianz #zabilianznews #zofatehuapzo
0 Comments