Raltlan hnena sem tur buhfai valiam

ZabilianZ July 10, 2026

#ZabilianZ July 10, 2026: Serchhip district-a raltlan awm mek te hnena sem tur buhfai kg sing 3, sang 1 leh 789 chu vawiin khan Serchhip Bawrhsap Paul L. Khuma'n Bawrhsap pisa tual atangin a vailiam.

Serchhip Bawrhsap chuan raltlan te tana buhfai sem chu sorkar laipui ruahmanna a nih thu sawiin, YMA-in raltlan hming an lakkhawm te hnenah mi pakhat tan kg 35 zela sem a nih tur thu a sawi a. Serchhip Sub-Headquarters YMA-in a huam loh Baktawng leh Chhuanthar Tlangnuam huam chhunga mi te tan pawh July ni 24, 2026-ah sem fel vek tura ruahman a nih thu a sawi.#zabilianznews

Serchhip Sub-Headquarters YMA huam chhunga YMA branch hrang hrang ten Bawrhsap hnena report an thehluha a lan danin, Serchhip district-ah raltlan 908 an awm mek a, heng zinga mi 648 te chu Myanmar atanga raltlan niin, Bangladesh atanga raltlan mi 239 leh Manipur atanga raltlan mi 21 te an ni.

Raltlan list-a a lan danin Thenzawl Farm Vengah raltlan tam berin mi 172 an awm a. Bangladesh atanga raltlan mi 239 te Thenzawl-a awm vek an ni. Raltlan awm tlemna ber Khawbel niin mi 2 an awm a ni.

Sailulak-ah Myanmar raltlan 4

Lungkawlh-ah 18

Leng-ah 22

N. Vanlaiphai-ah 39

Khawlailung-ah 7

Keitum-ah 11

Thenzawl-ah 107

Zote South-ah 4

Chhiahtlang-ah 8

Vanchengte-ah 5

Khawbel-ah 2

Mualpui Chhingchhip-ah 19