#ZabilianZ July 13, 2026: Education Minister Dr. Vanlalthlana'n sorkar hmasain Adhoc school te sorkar school-a a lo hlankai chungchang sawiin, "Provisional Adhoc School-a an lo puang ve tawp kha dan behchhan nei lo a ni" a ti.
ZPM party chhung inkhawm vawiina neihah he thu hi Education Minister chuan a sawi a. Sorkar hmasa-in ni 22.9.2023-ah adhoc school-te sorkar school-a hlankai theihna tur dan a siam thu sawiin, hemi ni atanga ni 5-na - ni 27.9.2023-ah hemi kalh hian Council of Minister thukhawmin school thahnem tak sorkar sikul-ah a hlankai thu leh heng zingah hian dan an siam anga hlankai theih chu sikul 180 zingah 40 vel chauh an nih thu a sawi.#zabilianznews
Sorkar hmasa-in adhoc school sorkar school-a a hlankai te chu "dan tlawhchhan tur awm lo - DA&RP kaltlang lo, Finance department hriatpuina lehkha hmuh tur awm lo, Law & Judicial Deptt. pawmpuina hmuh tur awm lo a ni" a ti a. "An dan siam-ah adhoc school-te provincialized turin tehna/criteria a awm a, HSS tan - kum 4 chhung chawhrualin pass pass percentage 80 aia tlemlo tih te, khawpuiah zirlai 80 leh hmun dangah zirlai 40 an nei tur a ni tih te a nih thu sawiin, HS tan - zirlai 80 neih ngei ngei a ngai a, Middle school tan zirlai 100 neih a ngai" a ti a. He dan hi ni nga hnu lekah a siamtu bawkin a bawhchhia niin a sawi.
Education Minister chuan "hetiang hi a nih tak nuaih avangin DP&AR Minister chairman-na hnuaiah study team din a ni a, Minister 2, MLA 1 leh Education Consultant bakah Secretary chin pawh 4 awmin Grant-in-Aid Rules tha buaipui a ni ta a, nasa taka buaipui a nih hnuah tuna school 51 hi provincialised an ni ta hram a, Council of Minister meeting-ah pawh tum 5 lai sawiho a ni" a ti a. "Sorkar hnathawk hlawh pawh pe mumal thei lo khan zirtirtu 1300 chuang dahnghehna tur vawilehkhatah an han buaipui thut mai kha chu a mak a, la sorkar zel se chuan an buai ngat ngat khawp ang,” a ti bawk.#zabilianz #zabilianznews #zofatehuapzo
0 Comments