#ZabilianZ July 13, 2026: Enforcement Directorate (ED), Guwahati Zonal office-in tun thla tir lam khan Champhai district-a dawr 3 telin, Assam, West Bengal leh Uttar Pradesh-ah te kuhva ro hmanga dan kalha sumdawng te chenna leh dawr 20 an dap.
ED thuchhuahin a tarlan danin, Prevention of Money Laundering Act (PMLA), 2002 Section 17-na tlawhchhana an dap hmun neitu zinga Champhai district ami te hi - Beki Kuhva Dawr neitu Hmingthanzami, L R Store neitu Lalrinchhani leh KL Store neitu Lalenkawli te an ni.#zabilianznews
Kuhva ro chu Myanmar atangin Champhai district-a Tiau lui kaltlangin India ram state dangah phurhluh a ni thin niin ED thuchhuah chuan a tarlang a. Assam, West Bengal leh UP lama a kal kawng leh sum chhehrelh dan te chhui mekin, Mizoram Rural Bank kaltlanga sum tam tham tak la chhuaka, Myanmar lama pek leh thin a nih thu te an hre tawh a. Ram leina lehkha leh lehkha pawimawh dang te leh mobile phone, laptop bakah an neihna sawifiah theih loh Rs. vbc 1 leh nuai 30 an man tel a. Tun thlenga an hmuh chhuah china sum che vel Rs. vbc 1500 vel niin an sawi.
Champhai district-ah kuhva an thar loh avangin Champhai district, a bikin Myanmar ramri hnaih atanga kuhva ro thawn chhuah te chu Myanmar atanga dan kalha lakluh ngei nia a lan thu ED official-te chuan an sawi a. He sumdawnnaah hian GST invoice lem leh hming lem bakah bungraw phurh phalna lehkha lem te an hmang tangkai niin an sawi bawk.#zabilianz #zabilianznews #zofatehuapzo
0 Comments