ZabilianZ

#ZabilianZ Nov 30: December ni 14 atangin Winter Festival tan a ni dawn a, ruahman lawk ang chuan Winter Festival hian December ni 21 thleng a awh dawn a, hemi hun chhung hian AR Lammual, Hmuifang leh Reiek ah te hun hman a ni ang. Winter Festival tan zan December ni 14, 2024 zanah Youth Icon top ten te AR lammual-ah an inlan dawn a, hemi zan hian lammual luh man Rs. 500 leh Rs. 1000 ni tura ruahman niin, December ni 21, 2024 zanah AR Lammual-ah tho khawvel huapa lar Secondhand Serenade concert-in Winter Festival khar a ni ang a, hetah pawh hian lammual luh lam awm tura ruahman a ni. December ni 14, 2024 zana Youth Icon top ten concert chu Youth Icon Judge zing ami, Mizo top singer Rosy K. Remsangpui'n a buaipui dawn a. Youth Icon star te hi zai mai ni lo, musical instrument lam pawh khawih thiam tak tak te an ni a, an zai thenkhat te chu anmahni inrem tura ruahman a ni nghe nghe.#zabilianz Youth Icon top concert-ah hian ticket Rs. 1000 man leitu te chu a hma lama awm tura ruahman ...

#ZabilianZ Nov 28: MPCC Treasurer Dr. Lalmalsawma Nghaka'n sawrkar hmalakna bana kaih policy chuan mipui thleng phak lovin, an duhsak zawngte banah chauh an kai niin a sawi a. Sawrkar chu mipui nawlpui ban phaklohin ban a pharsan ta emaw tih turin a awm niin a sawi. Aizawl South II Congress hruaitu te intawhkhawm, Rokunga Hall, Venghnuai-a vawiina neih a hmanpuinaah he thu hi MPCC Treasurer Dr. Lalmalsawma Nghaka chuan a sawi a. "Mi nawlpui banah an kai ang tih hlau niawm fahranin thlai thar an lei dan turah te, hand holding loan pek dan turah te thil a harsa zawngin an ti thiam a, hetiang a nih mek lai hian party-a an hotu rual te chu nihna pawimawh tak tak pein, Adviser to CM te, Board Chairman te, Consultant te, OSD te leh adt. dinhmun tha zawk, hlawh sang zawk an neih theih nan an banah an kai thung a ni" a ti. MPCC Treasurer chuan "Restricted tender maksak te kalpuiin, work supervisor tih hming chawi tirin an duhsak zawng te contract leh supply hmangin an dinhmu...

#ZabilianZ Nov 28: Chief Minister Pu Lalduhoma'n VC term pawhtawi chungchangah "'Court-ah kan khing dawn' tih thawm te kan hria a, an buai peih chuan min khing se, keini tan buaina tur a awm hran lo" a ti. ZPM Southern Hqrs Office, Lunglei a tlawhnaah he thu hi vawiin chawhma khan Chief Minister a sawi a. Nakum February thla chawhnu lamah VC inthlan chu buatsaih tura ruahman a nih thu sawin, "he ruahmanna kan kalpui chhan chu VC term kal mek hi Covid avang khan pawhsei a ni tawh a, a tul hunah sorkar chuan a pawtsei theiin a pawt tawi thei, hei hi sorkar thuneihna a ni" tiin, tunhma pawhin pawhsei leh pawhtawi te a lo awm tawh thin thu leh thuneitute thuneihna a nih thu a sawi. Chief Minister chuan "February thla-ah session kan nei ta ziah a, planning commission kan neih tak loh hnu hian session hi kan nei hma ta a, Parliament session pawh a hma tlangpui ta a, chuvang chuan a tlai berah February thla tawp lama session kan tan loh chuan kan tlai ang ...

#ZabilianZ Nov 26: MNF Treasurer Lalruatkima'n "He kalphung thar 'enchhin sorkar' hi eiruk hmang an tih te sorkar aiin a chhe zawk" tiin, enchhin sorkar kum hi 'inchhir kum' a ni ringawt" a ti. Aizawl South-III Block MNF South Block-in Sialsuka party workers meet vawiina an buatsaih a hmanpuinaah he thu hi MNF Treasurer chuan a sawi a. "Nakumah mipui thinlungah chuan inchhir kum a ni leh ang, a kum lehah chutiang zelin, kum 2028-ah chuan 'inlamlet kum' tiin kan puang ang," a ti bawk. MNF Treasurer chuan Chief Minister Delhi a zin tuma a thusawi avangin national news-in an chukrawn luai luai nia sawiin, "Tawng thiam an tih - an MP chuan Manipura kan unaute tan tanlak ngaihna a hre lo" a ti a. MNF MP chuan Manipur chu 'president rule-ah dah rawh se', a ti ngam nia sawiin, Mizoram chu MNF sorkar hnuaiah lo chuan a dam lo niin a sawi.#zabilianz Lalruatkima chuan "ZPM sorkarin VC term tihtawi an tum chhan an sawi da...

#ZabilianZ Nov 24: Lelte Award vawi 33-na (Lengzem/Lenglawng), nizan (November ni 23, 2024)-a DMC, Pipu Tlang, Dawrpui-a sem ah Lilac a langsar hle a, award pathum ngawt a hum haw a. H.O.M in Singer of the year (Male) leh D Enchimloh hmangin Song of the year award a la bawk. Ngurthangvela (Ngtv) hnenah Lifetime Achievement Award hlan a ni a, Rosangliana (Zorock) hnenah Artiste of the Decade hlan niin, Sailo Nu leh Biaka Shoute hnenah Special Award hlan a ni bawk a ni. Lelte Award (Lengzem/Lenglawng) Winners : 1. Singer of the year (Male) : HOM 2. Singer of the year (Female) : Lilac 3. Song of the year : D Enchimloh –HOM 4. Music Video of the year : Darbiahnem –Guru Gee (Osiama Pictures) 5. New artiste of the year : Bzi Tochhawng 6. Duo of the year : Duhaisam –Mary Dawngi & Youngfella 7. Composer of the year : Lilac 8. Band of the year : Lilac & Jacks 9. Traditional Singer of the year : Marina Vanhriatpuii Varte 10. YMA Zaipawl of the year : Lengzem/Lenglawng : Chhingchhip Mualp...

#ZabilianZ Nov 22: Lelte Award (Gospel) chu zanin (November ni 22, 2024) khan DMC, Pipu Tlang, Dawrpui-ah sem a ni a. Jonathan Lianhna a langsar hle a, award pathum a hum haw a, Lalduhsaki'n Award pahnih hum hawin, LPS Youth Icon hmasaber Zoramchhani'n Artiste of the Decade Award a dawng bawk. K. Lalthanzama'n Lifetime Achievement Award a dawng a. Lalhruaitluanga Ralte-in Writer of the Year Award dawngin mi pali - Remrutkim Bungpui Hmar; Niansonkim Simte; Boikim Haokip Kuki leh Harsangsuam (Suamte-a) Halam te hnenah Zohnahtlak Award hlan a ni.#zabilianz Lelte Award (Gospel) Winners : 1. Singer of the year (Male) - Jonathan Lianhna 2. Singer of the year (Female) - Lalduhsaki 3. Song of the year - Kristian Chhungkaw hla –Israela Pachuau & Vanlallawmawmi 4. Music Video of the year - Beiseina – Jonathan Lianhna ft Zorema Khiangte & Uncle Joe – Malsawma Fanai (M-Space) 5. New artiste of the year - Laldinsangi 6. Group of the year - Faktu 7. Composer of the year - Jonatha...

#ZabilianZ Nov 22: Synod Information and Publicity Department (Synfo) leh Central KTP tangdunin an buatsaih, KTP member te malzaia inelna Praise On chu zanin khan a hmawr bawk a ni a. Pakhatna Lalthlanawma, Ramhlun Branch niin, pahnihna J. Lalruatsangi, Sihphir Branch a ni a. Pathumna Samuel Lalmuanchhana Armed Veng Branch; palina P. Vanlalhriatpuia, Chaltlang South Branch; pangana Maria Lalmuanpuii, Chhiahtlang Bazar Veng Branch a ni. Praise On ah hian pakhatna lawmman Rs.1,20,000; pahnihna Rs.70,000 leh pathumna Rs.50,000 niin, top 5 chinin Rs.15,000 an dawng ang a, top 10 chinin Rs.10,000 an dawng bawk.#zabilianz #zabilianzrimawi #zofatehuapzo

#ZabilianZ Nov 22: Mizoram Snooker 6 Red Championship (2024-2025) semi final zanina khelh zawh takah Lalrina Renthlei, Tuikhuahtlang-in PB Liansangzuala, Dawrpui hnehin final a inhawlh thleng a, Lalsangzela, Khatla South-in Samson Lalnuntluanga, Venghlui hnehin final a inhawlh thleng bawk. Mizoram Snooker 6 Red Championship Semi final-ah hian Lalrina Renthlei chuan 4-1 in PB Liansangzuala a hneh a. Lalsangzela'n 4-0 in Samson Lalnuntluanga a hneh ve thung. Naktuk (November 23, 2024) tlai dar 4-ah final khelh a ni ang a, Lalrina Renthlei leh Lalsangzela te an inhmachhawn ang.#zabilianz Mizoram Snooker & Billiards Association (MSBA) buatsaih Mizoram Snooker 6 Red Championship (2024-2025) hi November 18 tlai aṭang khan khelh tan a ni a, MSBA Hall, Hawla Indoor Stadium, Republic Vengthlang-ah khelh niin, Mizoram hmun hrang hrang aṭangin player 35 an tel a ni.#zabilianz #zabilianzsports #zofatehuapzo

#ZabilianZ Nov 22: Pasalțha chanchinbu leh Champhai Cable Network neitu, News Editor Senior Lalhmingmawia Pachuau, Champhai Vengthlang chuan nizan (November 21, 2024) dar 10:07 khan chatuan ram a pan a, vawiinah vui a ni ang. Lalhmingmawia Pachuau hi Mizoram Journalists' Association (MJA) member ten khawvel thang zel mila chak zawka hma an sawn zel theihna tura thahnemngai taka theihtawp chhuah thin mi a ni a. MJA Gen. Hqrs. leh district hrang hrang MJA te pawhin nizan la la khan an ui thu thuchhuah siamin an tarlang hlawm. MJA Gen. Hqrs. chuan "MJA-in Pu Hmingmawia kan nei hi lawmawm kan ti a, MJA tana mi hlu bik a ni" a ti a. "Thahnemngai taka MJA tana theihtawp a lo chhuah tawhna leh hma a lo lak tawhnate kan thlir a, a lungawithlak kan ti takzet a ni" a ti bawk.#zabilianz Upa Ngursiama leh Nubuangi te fa hmingkoh niin, October ni 19, 1960-ah Samthang khua-ah a piang a. August ni 25, 1985-ah C. Parkimi nen Samthang Presbyterian Kohhran Biak In-ah inneiin, fap...

#ZabilianZ Nov 21: Synod Information and Publicity Department (Synfo) leh Central KTP tangdunin an buatsaih, KTP member te malzaia inelna Praise On top 5 inelna chu zanin khan zawhfel a ni a, nakzanah result puangin lawmman an sem nghal ang. Praise On Top 5 : 1. J. Lalruatsangi, Sihphir Branch 2. Lalthlanawma, Ramhlun Branch 3. Maria Lalmuanpuii, Chhiahtlang Bazar Veng Branch 4. P. Vanlalhriatpuia, Chaltlang South Branch 5. Samuel Lalmuanchhana, Armed Veng Branch te hi zanin khan anmahni hla thlan leh judge ten an thlan sak hmangin an inel a ni. Praise On ah hian pakhatna lawmman Rs.1,20,000; pahnihna Rs.70,000 leh pathumna Rs.50,000 niin, top 5 chinin Rs.15,000 an dawng ang a, top 10 chinin Rs.10,000 an dawng dawn bawk.#zabilianz #zabilianzrimawi #zofatehuapzo

#ZabilianZ Nov 21: Mizoram Snooker 6 Red Championship (2024-2025) khelh mekah zanin khan quarter final khelh niin, Lalrina Renthlei; Tuikhuahtlang-in Lalzawngkima hnehin, semi final a lut a, Lalsangzela, Khatla South-in Lalbiaksanga hnehin semi final a lut bawk a. PB Liansangzuala, Dawrpui-in K Lallawmkima hnehin semi final a lut a, Samson Lalnuntluanga, Venghlui-in Lalchhandama hnehin semi final a lut bawk. Semi final hi naktuk (November 22, 2024)-ah an khel dawn a. tlai dar 5-ah Lalrina Renthlei vs PB Liansangzuala te an inkhel anga, dar 6:30-ah Lalsangzela vs Samson Lalnuntluanga te an inkhel ang. Mizoram Snooker & Billiards Association (MSBA) buatsaih Mizoram Snooker 6 Red Championship (2024-2025) hi November 18 tlai aṭang khan MSBA Hall, Hawla Indoor Stadium, Republic Vengthlang-ah khelh a ni a. Mizoram hmun hrang hrang aṭangin player 35 an tel a ni.#zabilianz #zabilianzsports #zofatehuapzo 

#ZabilianZ Nov 21: Village council inthlan sawn hma chungchangah LAD Minister C. Lalsawivunga'n sorkarin village council inthlan a sawn hma chhan ber chu state sum leh pai te fimkhur leh daihzai taka enkawl leh hman a tul vang a ni ber niin a sawi. LAD Minister chuan dan pangngaia a kal chuan nakum financial year chhungin election lian pui pui pali buatsaih a ngai dawn tih sawiin, VC leh LC election August/September thlaah, LADC November thla bawrah neih a ngai ang a. 2026 January/February ah AMC inthlan huaihawt a ngai leh dawn bawk tih a sawi a. Post devolution revenue deficit grant nasa taka tlahniam tur kara financial year khat chhunga inthlan hautak tak pali buatsaih chuan sorkar sum bawmah nghawng liantham tak a neih dawn avangin VC inthlan hun chu sawn hma a ni ta niin a sawi a ni. LAD Minister chuan "nakum financial year chhunga kan post devolution revenue deficit grant nasa taka tlahniam tur kara inthlan hautak tak pali, nuai engemawzat liamna tur hmachhawnin sorkar s...

#ZabilianZ Nov 21: Ministry of Minority Affairs-a Addl. Secretary nilai Khilli Ram Meena chu Mizoram Chief Secretary thar atan ruat a ni. Khilli Ram Meena hi kum IAS AGMUT cadre niin, 1993 batch a ni a. Rajasthan mi niin, kum 1967-a piang, zirna lamah MA (History) a ni. Mizoram Chief Secretary Dr Renu Sharma chu October ni 31, 2024 khan pension-in a chhuak a. Mizoramin Chief Secretary mawhphurhna lo la turin H Lalengmawia chuat a nih hnu ah vawiin khan Mizoram Chief Secretary thar tur chu Ministry of Home Affairs chuan a ruat fel ta a ni.#zabilianz #zabilianznews #zofatehuapzo

#ZabilianZ Nov 18: Sinlung Hills Council (SHC) member atana thlan thar mi 12 te chu vawiin khan Aizawl Bawrhsap Pisa Pui Hall-ah rinawmna thu tiamtira lakluh an ni. SHC member thar te hi Aizawl Bawrhsap Er Lalhriatpuia'n rinawmna thu tiamtirin a lalut a. Protem Chairman Lalhmingthanga kaihhruaiin, Chairman leh Dy. Chairman an thlang nghal a. Chairman atan Ṭinghmun bial thlan tlin R Lalfakzuala chu chuhtu awm lovin a tling a, Dy. Chairman atan Zohmun bial atanga thlan tlin Benjamin Lalrawnliana chu chuhtu awm lo bawkin a tling.#zabilianz SHC sawrkar tharah hian Vanbawng bial atanga thlan tlin Ricky Lalremsanga chu Chief Executive Member a ni dawn a, Sakawrdai North bial atanga thlan tlin Melody Lalchhuangzeli; Ratu bial atanga thlan tlin Lalhmingthanga; Sakawrdai South bial atanga thlan tlin Lalhriatchhunga leh Saiphai bial atanga thlan tlin Zokhumthanga te Executive Member an ni ang. SHC inthlanah hian MNF leh HPC (R) tangdunin, bial 12-ah bial 7 la in sawrkarna an siam a ni.#zabil...

#ZabilianZ Nov. 15: Mizo Zaimi Inzawmkhawm (MZI)-in nizan (November 14, 2024) atang khan Beraw tlang-ah Inkhawmpui lian an hmang a. MZI Gen. Conference zankhatna hi Minister PC Vanlalruata'n a telpui a. Vawiinah Art & Culture Minister C. Lalsawivunga'n a telpui ve thung ang. MZI Gen. Conference zankhatna, palai lawm inkhawm hi MZI Vice President Lalengmawia'n kaihhruaiin, palai lawmna thu a sawi a. Hqrs. hrang hrang ten report pein, nikuma MZI rorel inkhawm leh tuntum inkhawmpui inkara MZI member chatuan ram pan ta mi 14 te sunna hun an hmang bawk. Palai lawm inkhawm telpuitu Minister PC Vanlalruata chuan "sports leh entertainment dang dang te pawh tuipui tam tak awm mah ila, Mizo zawng zawng kan inlungrualna chu rimawi leh zai a ni" a ti a. Lungngaih leh lawm ni ah te pawh mitin inlungrual tlanna chu zai leh rimawi a nih thu a sawi.#zabilianz Mizo zaimite hmasawnna hmuh tur awm chho zel lawmawm a tih thu leh anmahni lawm leh ngaihsan kawngah mipui lam pawhin ...

#ZabilianZ Nov 13: Jakuradhor, Jiribam District, Manipur-a tun thla ni 11-a CRPF ten an kahhlum, Zo hnam martar 10 te ruang chu Silchar atanga Aizawl paltlangin Lamka, Manipur panpui an ni dawn a. CYMA ruahmannain AMC Pisa kawt, Thuampui veng, Aizawl-ah lo hmuah an ni ang. Meitei leh Zofa te inkar buaina kaihhnawiha CRPF-in mi 10 an kahhlum, Zo hnam martar te ruang hi nimin lamah Silchar Medical College, Ghungoor, Silchar-ah 6 post-mortem niin, vawiin hian mi 4 post-mortem an ni leh dawn a. Silchar atang hian Aizawl paltlangin Lamka panpui tur niin, Silchar atanga an rawn chhuah theih hun tur hi sawi theih a la ni lo.#zabilianz Zo hnam martar te ruang hi CYMA ruahmannain AMC Pisa tual, Thuampui veng, Aizawl-ah lo hmuah a ni dawn a. Khaw hrang hrangah lo hmuah an nih dawn avangin Aizawl an rawn thlenpui hun tur hi sawi chian theih a la ni lo thung.#zabilianz Tun thla vek ni 7 zan khan Meitei ten Zofa te chenna Zairawn khua Jiribam district, Manipur ami chu runin, Pi Zosangkimi Hmar chu ...

#ZabilianZ Nov 11: Vawiin khan, Working Committee on Ruihhlo Do kaltlangin Agency hrang hrangte hnena Ruihhlo Dona tur sumfai sem chhuah a ni a. Excise & Narcotics Minister Pu Lalnghinglova Hmar chuan he hun hi hmanpuiin, agency-te hnenah ruihhlo dona atana hman tur sum a hlan. Ruihhlo dona atana sum pek te hi hlawm hrang hrang hlawm li-a then niin, hlawm khatna Supply Reduction-ah : Excise & Narcotics hnenah Rs. nuai 30 pek a ni a; Police leh Central YMA hnenah Rs. nuai 35 ve ve; Food and Drug Administration (FDA) hnenah Rs. nuai 2; Mara Thytlia Py (MTP) leh Young Lai Association (YLA) hnenah Rs. nuai 5 ve ve pek a ni. Hlawm hnihna Demand Reduction-ah : Social Welfare & Tribal Affairs hnenah Rs. nuai 40 leh MSACS hnenah Rs. nuai 5 pek an ni a. Hlawm thumna District Level-ah : Aizawl ditrict hnenah Rs. nuai 2; Lunglei, Siaha, Champhai, Kolasib, Serchhip leh Mamit district hnenah Rs. nuai 1.50 theuh leh Lawngtlai, Hnahthial, Khawzawl leh Saitual district hnenah Rs. nuai 1 th...

#ZabilianZ Nov 08: Synod Information and Publicity Department (Synfo) leh Central Kristian Thalai Pawl (CKTP) tangdunin an buatsaih, KTP member te malzaia inelna Praise On top 10 inelna chu zanin khan zawhfel niin, top 5-a inhlangkaite puan nghal a ni a. Top 5-a inhlangkai zingah boruak nei lian J. Lalruatsangi pawh a tel. Praise On Top 5-a inhlangkai te : 1. J. Lalruatsangi, Sihphir Branch 2. Lalthlanawma, Ramhlun Branch 3. Maria Lalmuanpuii, Chhiahtlang Bazar Veng Branch 4. P. Vanlalhriatpuia, Chaltlang South Branch 5. Samuel Lalmuanchhana, Armed Veng Branch Top 5 te hi November 21, 2024 zanah Dawrpui Kohhran Centenary Hall-ah an inel leh ang a, anmahni hla thlan leh judge ten an thlan sak hmangin an inel leh ang a. November 22, 2024 zanah result puangin lawmman te sem nghal a ni ang. Praise On ah hian pakhatna lawmman Rs.1,20,000; pahnihna Rs.70,000 leh pathumna Rs.50,000 niin, top 5 chinin Rs.15,000 an dawng ang a, top 10 chinin Rs.10,000 an dawng dawn bawk a ni.#zabilianz #zabilia...

#ZabilianZ Nov 08: MSU President Samuel Zoramthanpuia chu sum tihchingpen, kidnap leh invauna hmanga mi pawisa chhuhsak thubuai-ah Jail-a dahluh turin Court-in a ti. Thudawn danin, Samuel Zoramthanpuia hi tukin khan Anti Corrruption Bureau (ACB)-in sum tihchingpen thubuaia an man hnu ah Aizawl Police Station-in mi kidnap leh invauna hmanga mi pawisa chhuhsak (extortion) thubuai-ah an man ve leh bawk. Vawiin vek khan MSU President hi Court-ah inlanin, Court chuan Central Jail-a dahluh nghal turin a lo ti a. Samuel Zoramthanpuia hi bail theih loh (non-bailable) thubuai siamsak nia thudawn a ni.#zabilianz #zabilianznews #zofatehuapzo 

#ZabilianZ Nov 04: MNF NCC member, Dy. CM hlui ni bawk Tawnluia'n AR sawnchhuahna tur chungchanga lehkha pawimawh leh hmalakna awm zawng zawng an tih vek niin a sawi a. AR sawnchhuah chu an dinna nghet nia sawiin, "an kalsan tur ram hi vantlang tana ruahman a ni" a ti. MNF party chhung inkhawm vawiina neihah he thu hi Tawnluia chuan a sawi a. AR sawnchhuah chu Laldenga sulhnu pakhat zinga pawimawh em em nia sawiin, "kum 1952 ah S. Bartakati Aizawl DC, Luhshai Hills-in Assam Rifle standing order no.II of 1952 a siam a, chu chu Assam gazzette-ah ni 8.8.1952 ah chhuah a ni. Chutah chuan Khatla AR te awmna hi an thingtuah lakna atan chauha pek an ni a, land ownership pek tel an ni lo" a ti a. "An tidanglam thiang lova, an hman loh chuan sorkarah an pelet leh tur a ni", a ti. Tawnluia chuan, "kum 1986 a remna thuthlung ziah a nih khan Pu Denga ngaih pawimawh hmasakber zing ami chu AR sawnchhuah a ni" a ti a. Zokhawsanga AR ram tura an pek pawh Lal...

#ZabilianZ Nov 04: Minister of state F. Rodingliana'n "min beihnate hi kan party tan malsawmna a ni" a ti. ZPM party chhung inkhawm vawiina neihah he thu hi F. Rodingliana chuan a sawi a. "Vawiin thlenga ZPM ministry min beitute hi ZPM party a dintirha min beitute tho kha an la ni a, min beihrawn chung pawhin Pathian leh mipuite zarah hnehna kan la chang zel hi ZPM party Pathinin min hruai zia tilangtu leh Zoram mipui ten ZPM ministry-ah rinna an nghah thuk zia tilangtu a ni" a ti. P&E Minister F. Rodingliana chuan kawlphethaa intodelh turin nasa takin hma an la nia sawiin, department-a an thawhpuite pawhin ngaihtuahna an seng nasa hle niin a sawi a. "Tuirini project bikah sorkar hmasa ten he project an lo hnawl tawh chu DPR te kan keu thar leh a, central lama kan tlanthlakpui hnuin  he project hlamchhiah mai tur pawh hi tihnunin a lo awm leh ta a ni" a ti.#zabilianz Tuivai project-ah pawh kum 18 chhung sorkar hmasa lamin a bu an lo keu tawh loh le...

#ZabilianZ Nov 04: Chief Minister Lalduhoma hovin vawiin khan Mizoramin All India Services (AIS) Cadre hran a neih ve theih dan tur chungchang Mizoram IAS Association hruaitute leh AIS Service member dangte bakah Zoram Research Foundation hotu ten an sawiho. Mizoram IAS Association hruaitute leh AIS Service member dangte bakah Zoram Research Foundation hotute chuan hemi chungchanga hmalakna lo awm tawh te an sawi a. Cadre hran neih that bikna leh lukhawng a neih bik dan te pawh sawiin, sorkar tharah beiseina sang tak nen tha thara hmalakna awmze nei lehzual kalpui an duh thu an sawi.#zabilianz Chief Minister chuan he thil hi a kaihhruai sorkar pawhin a duh leh a rualawhna nia sawiin, nasa lehzuala bawhzui a duh thu a sawi a. Cabinet meeting-ah sawiho tura chhawpchhuah a lo tum tur thu a sawi. He inkawmhonaah hian Mizoram IAS Association atangin Vanhela Pachuau, C. Ropianga, Lungmuana leh Lalzirmawia Chhangte te an tel a. Indian Police Service (IPS) atangin Lalrokhuma Pachuau, C. Dothan...

#ZabilianZ Nov 04: Aizawl Municipal Corporation (AMC)-in Aizawla restaurant, hotel leh hostel ten dan an zawm leh zawm loh an endik dawn. Committee on Regulations of Restautant, Hotel & Hostel under AMC-in vawiin khan Aizawl press club-ah thuthar thehdarhtute kawmin, he thu hi an sawi a. An chairman Rosiamngheta chuan Aizawl khawpui chhunga restaurant, hotel leh hostel te chu endik a ni dawn tih sawiin, tehfung hrang hrang an hmang dawn niin a sawi.#zabilianz Restaurant, hotel leh hostel endikna tur te chu - 1. AMC hnuaiah registration an ti em? 2. An registration a nung (valid) em? 3. License no. dawr neituin langsar takin signboard-ah ziakin emaw tarchhuah a ni em? 4. Ei tur siamtute leh hotel/hostel siamtu ten faina leh thianghlimnaah dan angin hma an la em? 5. Bawlhlawh te an thliar em? tih te bakah regulations an zawm that leh that loh enfiah a ni ang.  November chawlhkar hnihna atangin surprise visit/checking neih thin a ni dawn tih committee chuan an sawi a. Inchinfel hu...

#ZabilianZ Nov 03: Naktip - November ni 5, 2024-a Sinlung Hills Council inthlan lo awm tur avangin November ni 2, 2024 atanga inthlan zawh hma zawng atan inter-state/inter-district ramri (border) hmun thenkhatah khar a nih thu Aizawl District Election Officer, Aizawl Bawrhsap ni bawk chuan nimin khan hriattirtirna a tichhuak. DEO hriattirnaa a lan danin, inter-state/inter-district border khar te hi - Zokhawthiang; Khawpuar; Zilthawchhuah (Vaitin) leh Luakchhuah (New Vervek)-ah te khar a ni. Sinlung Hills Council inthlan lo awm tur atana campaign theih hun chu vawiin tlai dar 4-ah a tawp dawn a. Hemi hnu hi chuan political party leh candidate te tan pawh campaign phal a ni tawh lova. Constituency pawn atanga campaign tura kal te pawh an kalna biala vote nei an nih loh chuan bial an chhuahsan tawh tur a ni a, candidate leh election agent te leh party office bearer, state in-charge a ruat te erawh an awm zui thei thung ang. Electronic media/social media leh a tlukpui dangte-ah inthlan kai...

#ZabilianZ Nov 02: MPCC Sr Vice President Lalnunmawia Chaungo-in Sinlung Hills Council chu Congress party-in a huam chhung mipuite dinhmun atana pawimawh nia a hriat avanga a siam niin a sawi a. "A hringtu ngeiin a enkawl a tul" a ti. November ni 5, 2024-a Sinlung Hills Council inthlan lo awm tur atana campaign-a Khawlian, Phuaibuang, Suangpuilawn leh Vanbawng bial te a tlawhnaah he thu hi MPCC Sr Vice President chuan a sawi a. Congress party politics chu ram leh hnam hmasawnna nia sawiin, chutiang tur chuan mahni inphatin an che chhuak niin a sawi. MPCC Sr Vice President chuan roreltu nihna chu incheina a ni tih ngaihtuah lova mahni inhaivur tuipuitute avangin bial mipui ten an nih tur ang ni lovin an chanvo an chang pha lo thin niin a sawi a. "Congress party chuan hruaitu nawr kal chawp ngai kan nei ve lo hi Mizoram mipui tan a tha hle a ni" a ti.#zabilianz Thil fello leh diklo an siamtha dawn nia sawiin MPCC Sr Vice President chuan "Sorkar hnathawk awmlohna ...

#ZabilianZ Nov 02: ZPM party leh HPC party tangdunin November ni 5,2024 a Sinlung Hills Council (SHC) inthlan lo awm tur atana campaign kharna hun vawiin khan SHC-a bial 12-ah an hmang a. Saipum biala hun hmanpuitu ZPM President Lalliansawta'n "Sinlung Hills Council General Election-a mipui ten hnehna min pe a nih chuan 'Hmar thimpui' tia sawi thin tlangdungah hian hmasawnna kawl a eng ve tawh dawn a ni," a ti. ZPM President chuan HPC te nen inremna thuthlung an ziah hnua, campaign kick off ni atangin council area-a bial hrang hrangah campaign-in an fehchhuak nghal tih a sawi a. Hmar tlangdunga sorkar hmalakna tluang taka a kal theihna tur leh he tlangdung mipuite tana ZPM sorkar chu malsawmna thlentu a nih beiseiin theihtawp chhuahin hma an la niin a sawi. State nih hnua sorkar awm tawh ten hmar tlangdung chu an ngaihsak tawk lo nia a lan thu sawiin, ZPM President chuan hmasawnna a kalmuang hle nia an hriat thu a sawi a. Hmar tlangdung mipuite pawhin tuntum inthl...

#ZabilianZ Nov 02: MNF party Treasurer Lalruatkima'n Sinlung Hills Council inthlan atana campaign kal mekah ruling party hotu, minister leh MLA ṭhenkhat chuan mipui an vau nia sawiin, hriatthiam har an tih thu a sawi a. "A kaw tawpah an ṭang ta mai em ni, tih hi kan zawhna a ni," a ti. Sinlung Hills Council inthlan campaign kharna - Khawlian leh Phuaibuang-a an neihah he thu hi MNF Treasurer chuan a sawi a. Minister ṭhenkhat campaign dan chuan mipui rorelna 'democracy' mit naute a khawih nia sawiin, inhrêkna lam hawi te, Aizawl-ah anmahni dawr tura kal te pawh lo induhsan tur ang maia thusawi hriat tur te pawh a awm nia sawiin, "Mizoram inthlana kan la hriat ngai loh a ni," a ti.#zabilianz MNF Treasurer, Minister hlui ni bawk Lalruatkima chuan "Sorkar hmasaa kan malsawmna dawn zozai te hi ngaihtuah ila, kan khawtlang, bial leh kan ram hmasawnna min lo thlen saktute hi tute nge chhut ila, sorkar kal tawhte vek an ni" a ti a. "Tun ami te hia...

#ZabilianZ Nov 02: Aizawl E-I Block MNF thalai te vawiin khan Zemabawk Cancer Hospital kawng siamin an hnatlang a. Bitumen barel 2 leh rora sin tip khat leiin, PWD hotute rawn chungin a tih dan tur ang thlapin an thawk niin an sawi a, road roller an neih loh avangin manual-in an chhu muk thung niin an sawi. Aizawl E-I Block MNF thalai hian Cancer Hospital kawng chhiat avanga cancer patient ten harsatna an tawh thin chungchang an lo hriat thu an sawi a. Kawng chhia avangin hnara pipe vuah lai dawk chhuak hial te an awm nia sawiin, drip khai chung pawha damlo tlanpui hleihtheihloh a nih avangte-in kawng chu an siam ta niin an sawi.#zabilianz Cancer natna tuar te leh mipui tan sorkar hotu ten an beng lo chhi se an duh thu an sawi a. Khua a thal chho a, kawng siamna hun pawh a awm tawh tih te lo hria se an duh thu hnatlangte chuan an sawi. Hnatlangte hian Fakland Presbyterian Biak In bul, World Bank Road-a kawng chhe lutuk, two wheeler accident fo na leh lirthei spring a chhiat fona hmun p...

#ZabilianZ Nov 02: Lunglei Police Station-a Cyber Cell-in mobile phone bo report an dawn zinga mobile phone bo an hmuhlet, mobile phone 28, Rs. 5,73,800 man hu zet chu nimin khan a neitute hnenah peklet a ni. Addl. SP Lunglei K. Beihmotaosa chuan Lunglei Police Station-a Cyber Cell te lawmthu hrilhin, an thawhrimna avanga mobile phone bo 28 hmuhlet leh a ni chu faktlak an nih thu a sawi a. Lunglei Police-in te lua awm lovin, mobile phone tibo report awm tawh phawt chu a tam thei ang ber chhuichhuah sak zel an tum thu a sawi.#zabilianz Tunlaiah IT lama changkanna umphak ve zel a tul thu sawiin, Addl. SP chuan tuna an hlawhtlinna pawh Central Equipment Identity Register (CEIR) portal awmze nei taka an hman tangkai vang a nih thu a sawi a. Mobile phone rukbo a nih rinhlelhawm tih hriat reng lo leisaktute emaw lo thlengtute emaw chungah pawh action an la zel dawn tih sawiin, tunhnaiah hetianga diklo taka lo leitu (receiver of stolen property) te man an nei nual tih a sawi.#zabilianz Tuna m...