CM-in DoNER Secretary lawmthu hrilhin, tul leh pawimawh te a sawipui bawk

#ZabilianZ May 11, 2026: Chief Minister Lalduhoma leh Secretary, Ministry of DoNER Sanjay Jaju te chu nimin tlai khan Chief Minister chenna in-ah inkawmin, sustainable cultivation of Mizo ginder USP NEC fund tur pawm a nih avangin Chief Minister chuan lawmthu a lo hrilh.

Chief Minister chuan "Mizoramin sawhthing kan thar tha a, kan sawhthing te hi a quality a thain a thianghlim a, NITI Aayog pawhin Ginger Capital of India-ah min puang hial a ni" a ti a. NEC fund pawm tak chu sawhthing chingtute tan a tangkai hle dawn tih a sawi.

Zaa 10 GBS mumal zawk leh langtlang zawka kalpui a nih theihna tura hmalak a tul thu pawh Chief Minister chuan DoNER Secretary chu a lo hrilh a. DoNER Secretary pawhin lo enzui a tiam ve bawk.#zabilianznews

NESIDS (roads) hnuaia Khankawn - Rongura Hmun chu KM 1.70 vela thui laih belhin Thenzawl Buarpui Intermediate lane a pawh thei tih Chief Minister chuan sawiin, a tangkai hle dawn tih a sawi a. Laih zawmna ngaihtuahpui tura DoNER Secretary a lo ngenna chu DoNER Secretary chuan hma a lak tur thuin a chhang a ni. 

DoNER Secretary Sanjay Jaju chuan Thenzawl Golf Resort tihchangtlunna atan private investor te an luh theihna tura hmalak a tum thu pawh Chief Minister chu a hrilh a. Mizoram sawrkar pending DoNER scheme project thenkhat te an sawi dun bawk.#zabilianz #zabilianznews #zofatehuapzo