Director pension rawihnawn avangin Tourism lama thawk pawl pahnih an lawm

#ZabilianZ May 10, 2026: Mizoram sorkarin OSD to CM leh Tourism Director pension a rawihnawn chungchangah Mizoram Tourism Staff Welfare Association leh Mizoram Tourism Service Association-in thuchhuah intawm siamin, Tourism Director pension rawihnawn a ni tur chu lawmawm an tih thu an tarlang.

Mizoram Tourism Staff Welfare Association leh Mizoram Tourism Service Association chuan Toursim Director R. Lalrodingi chu North Eastern Council (NEC)-ah rei tak Tourism Adviser lo ni tawh a nih thu leh Tourism Dept-in kawng hrang hranga nasa taka hma a sawn phah thu an sawi a. Ruainawn ngei turin nasa takin sorkar an ngen tih sawiin, "Kan officer ten qualifying service an neih hma atana Director nilai Pi R. Lalrodingi, May ni 1, 2026 atanga re-employ tura tih a lo ni ta hi lawmawm kan tiin kan thlawp takzet a ni" an ti.

Tourism Director pension rawihnawn chungchang hi tunhnai khan MZP chuan ngaihtuahin, May ni 14, 2026 ral hma ngeia rawihnawnna order sut turin Mizoram sorkar an ngen a. Mizoram sorkar hnuaia hnathawk pension tawh rawih nawn chu tunhma atanga MZP chuan a dodal thin a nih thu leh an dinna ngaia an la din reng thu an sawi a ni.#zabilianz #zabilianznews #zofatehuapzo