MUCHS hi mi te ber te banphak loh a ni - kohhran hmalaknain a tichiang :Dr. Lalmalsawma Nghaka

#ZabilianZ May 10, 2026: MPCC Treasurer Dr. Lalmalsawma Nghaka'n Mizoram Universal Healthcare Scheme (MUCHS) chu mi te ber te banphakloh a ni tih a chiang niin a sawi.

Dr. Lalmalsawma chuan kohhran ten MUCHS-a inziahluhna nei lo tam tak an pui chuan MUCHS chu mi te ber te banphakloh a ni tih a tichiang niin a sawi a. "Kohhran chet ngai hial khawpa mipui te banphak a ni lo hi a vanduaithlak a, India hmarchhak state dang te chuan mipui banphak healthcare an nei a, a tam zawkah chuan a thlawn a ni" a ti.

Mipuite chu MUCHS barhluih nia a hriat thu MPCC Treasurer chuan sawiin, mipui harsa tak tak te banphak ni se a duh thu a sawi a. "Congress kan sorkar lai khan Rs. 500 chauhvin healthcare a tih theih a, thenkhat tan chuan a thlawn a ni" tiin, "kum 2023 inthlanpuiah kan manifesto-ah khan a thlawnin healthcare nuai 15 thleng kan nei a, 2028-ah hian kan sorkar chuan a thlawnin kan kalpui dawn a ni" a ti bawk.

MPCC Treasurer chuan Congress party chu mahni party flagship programe tihlawhtling thin party nia sawiin, "NLUP-ah khan kan hria a ni" a ti a. Mipuiin Congress party-ah beiseina an nei chho mek niin a sawi bawk a ni.#zabilianz #zabilianznews #zofatehuapzo