#ZabilianZ July 31, 2026: MNF Aizawl West-II Block hruaitu ten Aizawl West-II biala Vaivakawna bazar sak that mek chu vawiin khan tlawhin, an enfiah a, tuna thlen chinah cuhan lungawithlak hlea an hriat thu an sawi.
Aizawl West-II Block MNF President Lalawmpuia Khiangte chuan social media lam leh vengchhung mipuite phun thawm avanga hnathawh mek chu tlawh an nih thu sawiin, chhuan tam tak lo la awm tur thlenga rotling a nih theihna tura hna thawk turin Contractor-te chu a ngen a. Hna chu an vil ve reng tur thu sawiin, harsatna an tawk a nih pawha hrilh hreh lo turin hnathawktute chu a chah bawk.
Vaivakawn Bazar sak hnathawktu Phako Builders, Upper Khatla, Aizawl chuan kum 2025 June thlaa work order an dawn hnuah hna thawk tan mai thei lovin harsatna hrang hrangin a tlakbuak thu an sawi a. A building drawing pawh vawithum lai PWD lamin an siamthat thu te, a kiang hnaia in dang awm te thiat tura harsatna an tawh dan te an sawi.#zabilianznews
Vaivakawn Local Council leh YMA te chunga an lawmthu pawh hnathawktute chuan an sawi a. Kum khat chhunga zo tura tih ni mahse, a huna hna an tan theih loh avanga hun pek belh tura sorkara an dil thu leh March, 2027-a zo tura hun pekbelh an nih thu an sawi bawk.
Aizawl West-II Block MNF chuan Vaivakawn bazar sak hna chu Project Division-I, PWD enkawl a nih thu leh SASCI fund 2024-2025 atanga sak, estimate amount Rs. 20,87,33,230 a nih thu an sawi a ni.#zabilianz #zabilianznews #zofatehuapzo
0 Comments