#ZabilianZ July 31, 2026: Home Minister K. Sapdanga’n All India Radio, Aizawl chu Mizo tawng humhalh kawnga thawh hlawk ber zinga mi a nih thu sawin, "tawng hman dik kawngah thangtharte kaihruaitu pawimawh tak a ni" a ti.
All India Radio, Aizawl kum 60 tlin champha - Diamond Jubilee lawmna, AIR Complex, Tuikhuahtlang, Aizawla neihah he thu hi Home Minister chuan a sawi a. AIR Aizawl-in Mizo hnam zia leh ṭawng vawnhim kawnga ṭangkai taka hna a thawh ṭhin thu leh Mizo hnam nun vawnghimtu pawimawh a nih thu a sawi.
Home Minister chuan AIR chu khawvel changkanna mila inherrema mipui tana la ding reng a nih thu sawiin, "lungngai leh khawhar hnemtu pawimawh tak an ni" a ti a. A tha zawnga mipui kaihruai theitu pawimawh tak an nih thu a sawi bawk.#zabilianznews
All India Radio-in kum 90 a tlin ruala AIR, Aizawl-in kum 60-na a lawm thei chu hun intawng fuh tak a nih thu sawiin, "radio chuan tun thlengin Mizo mipuite thinlungah hmun pawimawh a la chang reng a ni" a ti a. Mipuiin, thudik leh rintlak an hriat theihna, an inawmtleina leh thangthar tam tak chher chhuaktu a nih thu a sawi.
Home Minister chuan All India Radio, Aizawl kum 60 tlin hriatrengna lungphun hawngin, Diamond Jubilee Souvenir a tlangzarh bawk. All India Radio, Aizawl station hi July ni 31, 1966 a din niin, thawktu 300 chuang an awm mek a ni.#zabilianz #zabilianznews #zofatehuapzo
0 Comments