#ZabilianZ Aug 3, 2026: Jharkhand-ah zirlai ten Jharkhand Public Service Commission (JPSC) buatsaih JSSC-CGL (Jharkhand Staff Selection Commission-Combined Graduate Level examination) paper leak avanga lungawilohna an lantir chhunzawm zel a. Chief Minister bang tura phutin, paper leak chungchang chu CBI chhui tir an phut bawk.
Jharkhand-a zirlai te hian July ni 29, 2026 atang khan an state khawpui Ranchi-ah lungawilohna an lantir tan a. JPSC hnuaiah vawi engemawzat paper a putru tawh thin tih sawiin, tun ṭumah hian candidate-te OMR (optical mark recognition) sheet a putru niin an sawi a. Chief Minister Hemant Soren-a'n CID a chhuitir chu ring zo lovin, CBI chhuitir an phut a, Chief Minister pawh bang tura phutin, recruitment agency-te siamṭhat an phut bawk a ni.#zabilianznews
He thil thleng avang hian JPSC Chairman Lalbiaktluanga Khiangte (L. Khiangte) chuan July ni 21, 2026 khan banna a thehlut a. Hemi hnu JPSC chuan exam chi 9 neih hun sawn a nih thu a puang a. July ni 23-ah paper putru avanga FIR lut ziahluh niin, CID te pawhin a chhui hna an tan nghal a. JPSC Chairman bang ta chenna in pawh dapin, thu an zawtfiah tawh bawk.
JPSC Chairman L. Khiangte hi Jharkhand Chief Secretary hlui niin, nikum February ni 25 khan JPSC Chairman atan ruat a ni.#zabilianz #zabilianznews #zofatehuapzo
0 Comments