#ZabilianZ July 14, 2026: AH&Vety department hnuaia Aizawla sa talhna - slaughter house te hmang tura inziaklut sa talhtu 54 - Mualpui slaughter house-a inziaklut mi 48 leh Bawngkawn Brigrade slaughter house-a inziaklut mi 6 an awm mek.
Slaughter house hmang tura ran talhtu inziaklut tur te chu TB an vei leh vei loh endik thin an nih thu leh TB veilote chauh ziahluh theih an nih thu Veterinary Officer Dr Michael V. Lalrinzuala'n a sawi a. Ran hriselna pawh endik thin a nih thu leh a hrisello te chu Tuiriala sa leh a kaihhnawih bawlhhlawh paihna hmuna paih thin a nih thu a sawi.#zabilianznews
Veterinary Officer Dr Michael V. Lalrinzuala chuan AH&Vety department hnuaia Aizawla sa talhna ah te hian chawhrualin thlatin ran 600 vel talh ziah ang a nih thu leh bawng talh an tam ber thu a sawi a. Nitin ran 20 vel bakah Zirtawpni zanah Inrinni-a zawrh tur ran 80 vel talh thin a nih thu sawiin, sial leh lawi pawh talh thin a nih thu leh vawk erawh chu an talh meuh loh thu a sawi bawk.
AH&Vety department leh Indian Council of Agriculture Research-National Meat Research Institute (ICAR-NMRI) Hyderabad te tangkawpin vawiin khan ran talhtu te tan thianghlim taka sa talh dan leh man man zawka hralh theih dan inzirtirna Aizawlah an buatsaih a. Aizawla sa zuar leh ran talhtu mi 20 he training-ah hian an tel a ni.#zabilianz #zabilianznews #zofatehuapzo
0 Comments