#ZabilianZ July 14, 2026: Lunglei Municipal Council (LMC) hotu ten Lunglei khawpui chhunga parking fee an khawn te chu phallohna hmuna lirthei dah tur leh riah tur vengtu tur Traffic Warden rawihna atan leh Lunglei khawpui chhunga hrui (cable) inthlung hnawk chinfelna atan hman a nih tur thu an sawi.
LMC hotute chuan traffic leh parking chungchangah thuthar thehdarhtute kawmin, lirthei dahna (garage) neilote chu garage an neih theihna turin September ni 30, 2026 thleng hun pek an nih thu an sawi bawk.#zabilianznews
Traffic management leh parking lam enkawltu LMC Vice Chairman K. Lalrinawma'n a sawi danin, District Transport Office-in kum 2023–2024-ah Lungleia parking fee a khawn tlingkhawm Rs. 2,99,944 a ni a. LMC-in kum 2024–2025-ah khawn ṭanin, Rs. 13,45,255 an khawn chhuak a. Kum 2025–2026 ah Rs. 14,97,925 khawn chhuakin, kum kal mek 2026–2027 ah June thla thleng khan Rs. 8,53,464 a tlingkhawm tawh bawk.
LMC Vice Chairman chuan parking fee tlingkhawm hmanga rawih tur Traffic Warden te chu Lunglei SP kaihhruainaa training pek an nih tawh thu a sawi a. Kumin August thla aṭang chuan Traffic Warden ten an hna an thawh ṭan theih an beisei thu a sawi bawk a ni.#zabilianz #zabilianznews #zofatehuapzo
0 Comments