#ZabilianZ July 9, 2026: Aizawl Municipal Corporation (AMC)-in AMC huam chhunga hotel leh home stay neitute pualin bawlhhlawh sawngbawl kawnga dan thar - solid waste Management rules, 2026 zirhona vawiin khan an buatsaih.
Bawlhhlawh sawngbawl kawnga dan thar zirhona AMC Auditorium, Thuampui, Aizawla neihah hian AMC huam chhunga hotel leh home stay neitu mi 152 an tel a. Hun hmanpuitu Aizawl Mayor H. Lalremtluanga'n solid waste management rules, 2026 chu Ministry of Environment, Forest & Climate Change-in Environment (Protection) Act, 1986 behchhana a duan, India ram pumah April ni 1, 2026 atanga hman ṭan a nih thu a sawi.#zabilianznews
He dan thar hi mipuite thawhhona zarah hlawhtling taka kalpui a nih ngei a beisei thu Aizawl Mayor chuan a sawi a. AMC huam chhunga hotel leh home stay neitute chu thawhhopuiah a sawm nghal bawk.
AMC-a Town Planner C. Lalmuanawma, Assistant Architect Veronica Vanlalhriatpuii leh Aizawl Smart City Ltd-a Assistant Engineer Kennedy Vanlalnunmawia ten he dan thar chungchanga hriattur pawimawh hrang hrang leh bawhhlawh ngah zual te tih tur danin a phut te an sawi a. Sawihona leh zawhna leh chhanna hun te an hmang bawk a ni.#zabilianz #zabilianznews #zofatehuapzo
0 Comments