#ZabilianZ July 25, 2026: Chief Minister Lalduhoma'n Darlak leh Tuidam inkar kawng chhia chungchang sawiin, Ministry Road Transport & Highway-in August ni 11, 2025-ah thawmthat (one time improvement) hna thawh phalna a tichhuah thu leh hmundang ami te nena one time improvement thawhna tur Rs. vbc 48.63 a sanction thu a sawi.
Kawrthah North VC-in Clean & Green Panchayat lawmman pakhatna an dawn an lawmna a hmanpuinaah he thu hi Chief Minister chuan nimin khan a sawi a. Rang takin draft tender document siama hmalak zui ni mahse, tender chinfel chhung a rei thu sawiin, M/s HES Infra Pvt. Ltd hnenah kumin March ni 10, 2026 khan work order pek a nih thu leh fur hmaa zo tura hriattir an nih thu te, an theih anga ranga hna an thawh ve nghal thu te a sawi.#zabilianznews
Chief Minister chuan "he kawng hi a lun a, a zawhtute hi Langkaih balu phur, lirthei rit an tam si a, an siam chhun pawh an rah chhiatsak zel a, an hna a sawt mawh khawp mai" a ti a. "Fur ruahtuiin a nangching ta bawk si a. heti hian kan awm zui ta a ni" tiin, "Mamit SP lamin motor tlan hunbi te an ruahman thar a, chak zawka hna thawh theih kan inbeisei tawh a ni", a ti bawk.
Lengpui to Langkaih kawng, NH 108 double lane-a siam tur chungchang pawh sawiin, Chief Minister chuan M/s Gayatri Project Limited, Hyderabad-in an thawh zawh theih loh avangin August ni 24, 2023 ah ban an nih thu a sawi a. Hna hmabak thawhna tur estimate Rs. vbc 170.96 chu sorkar laipuiin October ni 8, 2025 ah a pawm thu leh kumin May ni 13 ah M/s Nidhi Creative Infrastructure, Silchar chu a thawk tura thlan an nih thu a sawi. Hna tan nghal mahse, fur-in a nan zui avangin kawng chhuat tak chu an khawih zui thei ta rih lo niin a sawi bawk.#zabilianz #zabilianznews #zofatehuapzo
0 Comments